जसपाको राजनीतिक समितिको बैठक बस्दै

काठमाडौं । जनता समाजवादी पार्टी (जसपा)ले केन्द्रीय राजनीतिक समितिको बैठक बोलाएको छ । बुधबारबाट ललितपुरको बालकुमारीमा बस्ने बैठक विहीबारसम्म चल्नेछ ।

बैठकमा पार्टीको सांगठनिक गतिविधि र चुनावी रणनीतिसम्बन्धमा विस्तृत छलफल गरेर निर्णय लिने कार्यसूचि रहेको छ । यस्तै बैठकले चुनाव केन्द्रित भएर संगठन विभाग, प्रचार विभाग लगायतका केही महत्वपूर्ण विभागहरू गठन गर्नेछ ।

उक्त बैठकमा पार्टी अध्यक्ष उपेन्द्र यादव, संघीय परिषद अध्यक्ष अशोक राई र केन्द्रीय कार्यकारिणी सदस्यहरू पनि उपस्थित रहने जनाइएको छ ।

Advertisement

जसपा केन्द्रीय कार्यालयका अनुसार बैठकका एजेन्डाहरु आगामी प्रतिनिधि सभा तथा प्रदेश सभाको निर्वाचनको तयारी, गठबंधन दलभित्र सीट संख्या विभाजन र उम्मेदवारहरुको मापदण्ड निर्धारण, विभाग तथा भ्रातृ संगठनहरुको पुनर्गठन र संगठनात्मक कार्य सम्बन्धी प्रस्तावहरु रहेका छन् ।