नेपालमा अब राजा फर्कने सम्भावना छैन : माधव नेपाल

विराटनगर । नेकपा (एकीकृत समाजवादी) का अध्यक्ष तथा पूर्व प्रधानमन्त्री माधवकुमार नेपालले नेपालमा अब राजा फर्कने कुनै सम्भावना नरहेको बताएका छन् । मंगलबार विराटनगर विमानस्थलमा पत्रकारहरुसँग कुराकानी गर्दै उनले मुलुक अब पछाडि फर्कन नसक्ने बताएका हुन् ।

नेपालमा अब वंशको शासन नचाहिने बताउदै नेपालले भने,‘किन चाहियो रगतको शासन ? जनताको मनको शासनलाई मन नमान्ने । जनताको चेतनामा विश्वास नगर्ने । जनतामा चेतना र जागरणपैदा गर्ने कुरामा नलाग्ने । अनि वंशको शासन खोज्ने ? त्यसो भए जाउँन त राणाशासनमा । राणाशासनभन्दा अझै पुरानो खोजौं । गोपालवंशमा जाऔं । महेशपाल वंशमा जाऔं । नयाँ हिटलरलाई जन्माओस् । यस्तो हुन्छ ? अब संसार दास युगमा फर्कन सक्छ ? सामन्ती युगमा जान सकिन्छ ? पूँजीवादी युगमा पनि बस्ने होइन । अब समाजवादी युगमा जाने हो ।’

Advertisement