तिनकुने क्षेत्रमा कर्फ्यु हट्यो

काठमाडौं । तिनकुनेमा जारी कर्फ्यु हटेको छ । काठमाडौं जिल्ला प्रशासनले कर्फ्यु हटेको जानकारी दिएको हो ।

प्रमुख जिल्ला अधिकारी ऋषिराम तिवारीका अनुसार आज बिहानसम्मका लागि थप गरिएको कर्फ्यु आदेश स्थगित गरिएको हो ।

राजावादीहरूको प्रदर्शन हिंसात्मक बनेपछि प्रशासनले काठमाडौंको तीनकुनेसहितका क्षेत्र तोकेर शुक्रबार पहिलोपटक राति १० बजेसम्मका लागि कर्फ्यु आदेश गरेको थियो ।

Advertisement

शान्तिनगर पुलदेखि मनोहरा खोला पुलसम्मका पाँच स्थान तोकेर जारी भएको कर्फ्यु आदेश आज (शनिबार ) बिहान ७ बजेसम्मका लागि थपिएको थियो ।

शुक्रबार हिंसात्मक आन्दोलनमा उत्रिएका राजावादीहरूले कर्फ्यु जारी भइसकेपछि पनि काठमाडौंका विभिन्न ठाउँमा तोडफोड र आगजनी गरेका थिए ।