अपहरणमा परेकी ७ वर्षीय बालिकाको उद्धार, एक जना पक्राउ

काठमाडौं । सुनसरीबाट अपहरणमा परेकी बालिकालाई प्रहरीले उद्धार गरेको छ । चैत २० मा अपहरणमा परेकी ७ वर्षीय ईशु सदालाई २४ घण्टामा कोशी व्यारेजको २६ नम्बर ढोकाको पुलमाथीबाट उद्धार गरिएको हो ।

पक्राउ पर्नेमा सप्तरीको कञ्चनपुर गाउँपालिका–१२ धरमपुर घर भएका जितेन्द्र साह (हलुवाई) रहेका छन् ।

प्रहरीकाअनुसार आरोपीले बालिकालाई सुनसरीको कोशी गाउँपालिका वडा नम्बर–७ स्थित उनको घरबाट सिटी सफारीमा चढाएर कोशी ब्यारेजमा लगेका हुन् ।

Advertisement

भारतको रानीगञ्ज बस्ने साह र ईसुको परिवारको बिचमा चिनजान थियो । बालिकालाई फ्रुटी दिएर उनले सिटी सफारीमा चढाएर लगेको प्रहरीले जनाएको छ ।

तस्करीमा पनि संलग्न जितेन्द्र साह भारतमा नक्कली मदिराको कारोबार गरेको आरोपमा पक्राउ परेको पाइएको छ ।