समतामूलक देश निर्माणको एक मात्रै विकल्प जसपा: रकम चेम्जोङ

धरान । जनता समाजबादी पार्टी नेपालको केन्द्रीय अभियान सुज अभियानको क्रममा धरानमा माओवादी केन्द्र जिल्ला सदस्य टिकाराम भुजेल, साक्थिम योङ्यान लिम्बु र रोषण राईको नेतृत्वमा ५० युवाहरू र माओवादी केन्द्र जसपामा प्रवेश गरेका छन् ।

कार्यक्रममा केन्द्रिय कार्यकारिणि सदस्य तथा पूर्व मन्त्री रकम चेम्जोङले नव प्रवेशिहरुलाई खादा ओडाएर पार्टी प्रवेश गराएका थिए । केन्द्रिय सदस्यद्धय जेन्टल लावती, दुर्गामाया लिम्बु, दिपक मेन्याङ्बो, प्रदेश सदस्य कृष्ण लिम्बु, शिल्पी विशेष राष्ट्रिय समिति सदस्य नरेश क्षितिज, लिम्बुवान राष्ट्रिय समिति सदस्य नगेन्द्र पारघारी र नरेश ईवारम लिम्बु, नेपाली समाज कतारका अध्यक्ष हिराधन राई, नगर अध्यक्ष ताजुब लिम्बु, उपाध्यक्ष बिना राई, मदन तामाङ लगायत स्थानीय तथा केन्द्रिय नेताहरुको उपस्थित रहेका थिए ।

कार्यक्रममा बोल्दै पूर्व मन्त्री रकम चेम्जोङले राज्यले नितिगत रूपमा विभेद गरेकाले त्यसको विरुद्धमा अधिकार सहितको संघियता, समानता, शुशासन र समतामूलक राज्य स्थापनार्थ जसपा उभिएर संघर्षरत रहेको बताए । त्यस्तै उनले समतामूलक देश निर्माणको अबको एक मात्र विकल्प जसपा रहेको पनि बताए ।

Advertisement

त्यस्तै, नवप्रवेशिकाको तर्फबाट साक्थिम योङ्या, मदन गुरुङ र अनुप राईले कांग्रेस र एमाले लगायत पार्टीहरुले युवाहरुलाई आफ्नो अनुकुल प्रयोग गर्ने खेलाउना मात्रै बनाएकोले बैकल्पिक शत्तिको रूपमा जसपा आएको हुँदा कांग्रेस, एमाले, लिम्बुवान छोडेर जसपा प्रवेश गरेको बताए ।

पार्टी वडा अध्यक्ष दिलकुमार राईको सभापतित्वमा सम्पन्न कार्यक्रममा वडा ईन्चार्ज तथा जसपा नगर कोषाध्यक्ष लक्ष्मी राईले कार्यक्रम संचालन गरेका थिए । सोही कार्यक्रममा शिव आङ्देम्बे अध्यक्ष र अरुण गुरुङ सचीव रहनेगरी १७ सदस्यीय वडा समिति पुनर्गठन र अम्बिका साही अध्यक्ष र मनमाया निरौला सचीव रहनेगरी १७ सदस्यीय समाजवादी महिला संघ समिति पनि चयन गरेको थियो ।