आलोपालो सरकारको विषयमा पछि थाहा हुने देउवाको भनाइ

काठमाडौं। नेपाली कांग्रेसका सभापति एवम् पूर्व प्रधानमन्त्री शेरबहादुर देउवाले आलोपालो सरकारको विषयमा पछि थाहा हुने बताए।

प्रधानमन्त्री पुष्पकमल दाहालपछि माधव नेपाल एक वर्ष र त्यसपछि दुई वर्ष देउवा प्रधानमन्त्री हुनेबारे गठबन्धनमा भएको सहमतिको हल्लाबारे सोधिएको प्रश्नमा उनले पछि थाहा हुने जवाफ दिएका हुन् ।

यस्तै, देउवाले गणतन्त्रबाट मुलुकलाई कसैले पछाडि फर्काउन नसक्ने पनि दाबी गरे । सोमबार चितवनको भरतपुर विमानस्थलमा पत्रकारहरुसँग कुरा गर्दै उनले यस्तो दाबी गरेका हुन् ।

Advertisement

सभापति देउवाले गणतन्त्रको विकल्प नभएको बताउँदै गणतन्त्रको विरोध गर्नुको कुनै अर्थ नरहेको टिप्पणी गरे । यस्तै, उनले गणतन्त्रविरोधी गतिविधिबाट आफूहरू नअत्तालिएको पनि स्पष्ट पारे ।