अमेरिकामा फेरि विमान दुर्घटना

लन्डन । अमेरिकामा फेरि विमान दुर्घटना भएको छ । सोमबार एरिजोनास्थित स्कट्सडेल विमानस्थलमा भएको विमान दुर्घटनामा हुँदा कम्तीमा एक जनाको मृत्यु भएको अन्तरास्ट्रिय समाचारहरूमा उल्लेख छ।  

विमानस्थलमा दुई निजी विमानहरू एकअर्कासँग ठोक्किएका थिए । दुर्घटनामा अन्य धेरै मानिसहरू घाइते भएको जनाइएको छ ।

उड्डयन योजना र आउटरिच संयोजक केली कुएस्टरका अनुसार स्कट्सडेल विमानस्थलमा एउटा मध्यम आकारको व्यावसायिक जेट धावनमार्गबाट ​​बाहिर निस्केर एउटा निजी जेटसँग ठोक्किँदा दुर्घटना भएको थियो।दुर्घटनापछि सबै उडानहरू रद्द गरिएका छन्।

Advertisement

दुर्घटनामा एकजनाको घटनास्थलमै मृत्यु भएको र अन्य चार जना घाइते भएका जनाइएको छ । जसमध्ये एक जनाको अवस्था गम्भीर रहेको बताइएको छ। 

अमेरिकामा पछिल्लोसमय लगातार विमान दुर्घटनाहरू भइरहेका छन् । वासिङ्टन डिसीमा अमेरिकी सेनाको ब्ल्याक हक हेलिकप्टर र यात्रुवाहक विमान आकाशमा नै ठोक्किँदा ६७ जनाको मृत्यु भएको थियो । लगत्तै फिलाडेल्फियामा मेडिकल जेट दुर्घटना हुँदा ७ जना र अलास्कामा अर्को विमान दुर्घटना हुँदा १० जनाको मृत्यु भएको थियो ।