चीनमा कोइला खानीमा दुर्घटना हुदाँ सात जनाको मृत्यु

चीनमा कोइला खानीमा दुर्घटना हुदाँ सात जनाको मृत्यु भएको छ । बुधबारको दक्षिणपश्चिम सिचुआन प्रान्तस्थित खानीमा दुर्घटना भएको स्थानीय आपतकालीन व्यवस्थापन अधिकारीहरूले बताएका छन् ।

अधिकारीहरूका अनुसार घटनामा एक जना फसेका छन् ।

सिसिटिभीका अनुसार दुर्घटना सिचुआन प्रान्तको लेसान सहरको कोइला खानीमा कामदारले भेन्टिलेसनबाट हावा पठाउन काम गरिरहेका समय बिहान १० बजे भएको थियो ।

Advertisement

खोज तथा उद्धार टोलीले समाचार तयार पार्दासम्म सात जनाको मृत्यु भएको पुष्टि गरेको छ भने एकजना व्यक्ति अझै बेपत्ता भएकाले खोजी र उद्धार कार्य जारी छ ।

दुर्घटनाको कारणबारे खोज तथा अनुसन्धान भइरहेको छ । थप विवरण आउन बाँकी छ ।