May 30, 2024, Thursday
२०८१ जेष्ठ १७
1:37:26 pm

इपिएस भाषा परीक्षा यसअघि तोकेकै समयमा हुने

710

काठमाडौं । दक्षिण कोरियामा उत्पादनमूलक क्षेत्रको रोजगारीका लागि लिइने रोजगार अनुमति प्रणाली (इपिएस) भाषा परीक्षा यसअघि तोकेकै समयमा हुने भएको छ ।

यसअघि तोेकेको समय माघ २१ गतेमा गर्ने तयारी भएको जनाएको वैदेशिक रोजगार विभाग अन्तर्गतको इपिएस शाखाले मानव संसाधन विभाग (एचआरडी) कोरियाले जनाएको छ ।

एचआरडी कोरियाले इपिएस शाखालाई माघ २१ गते (फेब्रुअरी ४) मा सूचना जारी गर्ने गरी तयारी गर्न भनेको छ ।

Advertisement

पहिलो चरणमा ४७ हजारको परीक्षा लिईने जनाइएको छ । त्यो परीक्षाको नतिजा आएपछि क्रमशः दोस्रो र तेस्रो चरणको परीक्षा सञ्चालन गरिने भएको छ ।

इपिएस शाखाका अनुसार कोरिया एचआरडीले सन् २०२४ का लागि नेपालबाट उत्पादनतर्फका १५ हजार ८४८ जनाका लागि आवेदन माग गरिएकोमा एक लाख ६४ हजार बढीले आवेदन दिएका छन् ।

दोस्रो चरणमा ८० हजार र तेस्रो चरणमा बाँकी ३७ हजार गरी एक लाख ६४ हजारले परीक्षा दिने गरी एचआरडी कोरियाले कार्यतालिका बनाइसकेको छ ।