नेपालमामिला संवाददाताAdvertisement
April 21, 2025, Monday
२०८२ बैशाख ९
1:37:26 pm
२०८१ आश्विन २३
काठमाडौं । अमेरिकामा हुने आसन्न आइसिसी विश्वकप लिग–२ सिरिजको तयारीका लागि क्यानडामा रहेको नेपाली राष्ट्रिय क्रिकेट टोलीले क्यानडा हाइपर्फर्मेन्स टिम (एचपी)लाई हराएको छ ।
बुधबार बिहान भएको चौथो अभ्यास खेलमा नेपालले एचपीलाई दुई विकेटले हराएको हो ।
जितका लागि एक सय ९५ रनको लक्ष्य पछ्याएको नेपालले ४६.२ ओभरमा आठ विकेटको क्षतिमा पूरा गरेको थियो ।
नेपालका लागि ओपनर अनिल शाहले ७३ बलमा ५९ रन बनाए भने आरिफ शेखले ३४ र कुशल मल्लले ३० रन बनाए ।
यसअघि टस जितेर पहिले ब्याटिङ रोजेको एचपीले ४७.४ ओभरमा सबै विकेटको क्षतिमा एक सय ९४ रन बनाएको थियो ।
