धरान खहरे खोला ग्याविङ जाली भत्काएपछि जिल्ला प्रशासनद्वारा अनुगमन

धरान । धरान उपमहानगरपालिका १३ स्थित अमरबस्तीमा रहेको खहरे खोलामा लगाइएको व्याविङ जाली मेयर हर्क साम्पाङको निर्देशनमा अमर बस्ती (क)को खहरेमा लगाएको ग्याबिङ जाली भत्काएपछि विवादले उग्र रुप लिदै गएको छ ।

यस घटनाले मेयर साम्पाङ र वडा नं. १३ का अध्यक्ष नेत्र काफ्लेबीच द्वन्द्व नै सिर्जना भएको थियो सोही घटनालाई लिएर बिहीवार सुनसरी जिल्लाका निमित्त जिल्ला प्रमुख अधिकारी बेदराज फुयल राष्ट्रिय अनुसन्धान विभागका अनुसन्धान अधिकृत कृष्ण बहादुर खड्का , जिल्ला प्रहरी कार्यालय सुनसरीका प्रहरी प्रमुख विपिन रेग्मी, सशस्त्र प्रहरी उपरीक्षक समेनन्द बजा्रचार्य धरान १३ का वडा अध्यक्ष नेत्र काफ्ले धरानका शसस्त्र प्रहरी नायब उपरीक्षक हेम पौडेल लगायत प्रशासनको टोलीले अनुगमन गरेका छन् ।

जाली लगाइएको विपरीत तर्फका बासिन्दाले खोला मिचेको भन्दै गुनासो गरेपछि मेयर साम्पाङले केही समयअघि डोजर लगेर भत्काइदिन नगर प्रहरीलाई आदेश दिएका थिए । वडा अध्यक्ष काफ्लेले विरोध जनाउदै डोजरलाई खहरेमा प्रवेश गर्न अवरोध पुर्याएपछि मेयर साम्पाङ र काफ्लेबीचको सम्बन्ध तिक्ततापूर्ण भएको छ ।

Advertisement

विवादले उग्र रुप लिदै गएपछि यस विषयको अनुसन्धान र समस्या समधान गर्ने उद्देश्यले अनुगमन गरिएको निमित्त जिल्ला प्रमुख अधिकारी फुयलले बताए । यस विषयलाई प्रभावकारी समन्वयात्मक ढङ्गले समस्या समाधान नियन्त्रण गर्ने निर्णय भएको उनले बताए ।

उनले भने, ‘ग्याविङ जाली लगाएको ८७ मिटरमध्ये ३० मिटर भत्काइएको पाइएको छ, यस विषयमा विस्तृत बुझ्ने काम भइरहेको छ ,वास्तविकता बुझेर यसको समाधान गर्ने तर्फ हामी लागेका छौ ।’

जिल्ला प्रहरी कार्यालय सुनसरीका प्रहरी प्रमुख उपरीक्षक विपिन रेग्मीले विवादको वास्तविकता बुझेर समाधान गर्ने अभिप्रायले धरान उपमहानगरपालिका १३ को अमरबस्ती (क) को खहरे खोलामै पुगेर अनुगमन गरिएको बताए । उनले भने, ‘लगाइएको ग्याविङ विवादित किन भयो ? भन्ने बुझ्नको लागि र यसको समाधान कसरी गर्न सकिन्छ भन्ने विषयमा बुझ्नको लागि जिल्ला अधिकारी टिम घटना स्थल पुगेको हो।’

विवादको वास्तविकता
खोला मिचेर ग्याविङ तार लगाइएको मेयर हर्कराज राईको निष्कर्षपछि उनले ग्याविङ तार भत्काउन लगाएका थिए। भत्काउन लगाउने क्रममा धरान उपमहानगरपालिका वडा नंं. १३ का वडाध्यक्ष नेत्रप्रसाद काफ्लेले अवरोध गरेपछि यो विवाद उच्च उत्कर्षमा पुगेको थियो ।

मेयर साम्पाङको निर्देशनमा नगर प्रहरी लगाएर ग्याविङ जाली भत्काइएको थियो । त्यसमा केही असन्तुष्ट सर्वसाधारयणले समेत साथ दिएका थिए । मेयर राईले भत्काउन खोज्दा वडाध्यक्ष काफ्लेले रोक्ने प्रयास गर्दा द्धन्द चर्किएको थियो । मेयर साम्पाङले प्रदेशको बजेट दुरुपयोग गर्दै खोला मिचेर जाली लगाइएको, नगर र वडाको प्राविधिकलाईसमेत जानकारी नदिएको भन्दै भत्काउनुपर्ने अडान लिएका थिए ।

प्रदेश सरकारको बजेटमा बनेको संरचना नगरपालिकाको स्वीकृति बिना बनाइएको भन्दै भत्काइएको मेयर राईले बताउदै आएका छन् । नगरप्रहरी लगाएर तारजाली भत्काएपछि रुष्ट बनेका वडाध्यक्ष काफ्लेले सार्वजनिक सम्पत्ति तोडफोड गर्नु जायज नभएको बताए ।

खहरे खोलाले वर्षेनी क्षती गर्न थालेपछि जलस्रोत तथा सिँचाइ डिभिजन कार्यालय कोसी प्रदेशबाट रु.२० लाख खर्च विनियोजन गरेको थियो । सोही बजेटबाट खहरे खोलामा तारजाली लगाइएको धरान १३ का वडा अध्यक्ष नेत्र काफ्लेले बताए ।