May 22, 2024, Wednesday
२०८१ जेष्ठ १०
1:37:26 pm

“फेरि सोह्रौँ योजना वर्ष पनि खेर जाने त हैन ?”- शेखर कोइराला

615

काठमाडौं । नेपाली कांग्रेसका नेता डा. शेखर कोइरालाले आउँदो १६ औँ योजना पनि असफल हुने जोखिम बढेको बताएका छन् । विगतका योजना असफल भएकाले आउदो योजना पनि असफल हुने हो कि भन्ने उनले चिन्ता व्यक्त गरेका हुन् ।

कोइरालाले सामाजिक संजालमा लेखेका छन्, ‘पुरानै असफल कार्यक्रमको सँगालोको निरन्तरताले कतै फेरि सोह्रौँ योजना वर्ष पनि खेर जाने त हैन ? शंका बढ्यो ।’

उनले सुधारेर जान सुझाव पनि दिएका छन् । ‘अझैं समय छ, सुधारौँ, नयाँपनमा जाऔँ ।,’ कोइरालाले बुधबार बिहान सामाजिक सञ्जालमा लेखेका छन् ।

Advertisement

उनले नयाँ पञ्चवर्षीय योजनाको आधार वर्ष २०८१/८२ को नीति तथा कार्यक्रममा विकासको गति बढाउने कार्यक्रम अपेक्षित रहेको पनि उल्लेख गरेका छन् । कोइरालाले योजनालाई नयाँपन दिनसमेत सुझाव दिएका छन् ।