June 12, 2024, Wednesday
२०८१ जेष्ठ ३०
1:37:26 pm

गुल्मीमा बस दुर्घटना हुँदा एकको मृत्यु, १२ घाइते

800

गुल्मी । गुल्मीमा बस दुर्घटना हुँदा एक जनाको मृत्यु भएको छ भने १२ जना घाइते भएका छन् ।

पोखराबाट गुल्मी तम्घास आउँदै गरेको लु १ ख ८१७५ नम्बरको बस रिडीमा दुर्घटना हुँदा बसका सहचालक ४० वर्षीय युवराज कुँवरको मृत्यु भएको हो ।

दुर्घटनामा घाइते भएका कुँवरको पाल्पास्थित लुम्बिनी मेडिकल कलेजमा उपचारको क्रममा भएको भएको प्रहरीले जनाएको छ ।

Advertisement

जिल्लाको रुरुक्षेत्र गाउँपालिका वडानम्बर-१ मक्वादी स्थित रिडी-तम्घास पक्की सडक खण्डमा दुर्घटनामा परेको हो । १३ जना सवार उक्त बस सडकबाट अन्दाजी ५०/६० मिटर तल खस्न गई दुर्घटना भएको प्रहरीले जनाएको छ ।

प्रहरीका अनुसार घाइते सबैको पाल्पामा उपचार भइरहेको छ ।