March 5, 2024, Tuesday
२०८० फाल्गुन २२
1:37:26 pm

माओवादी केन्द्रको बैठक दिउँसो ४ बजे, प्रचण्ड संसदीय दलको नेता बन्ने पक्कापक्की जस्तै

1.4K

काठमाडौं । नेकपा माओवादी केन्द्रले आज संसदीय दलको नेता चयन गर्ने भएको छ । माओवादी केन्द्रले आज दिउँसो ४ बजे संसदीय बैठक बोलाइएको छ भने दलको नेतामा माओवादी केन्द्रका अध्यक्ष पुष्पकमल दाहाल ‘प्रचण्ड’ चयन हुने पक्का जस्तै छ ।

प्रतिनिधि सभाका नव निर्वाचित सांसदहरुको शपथ ग्रहणपछि माओवादीले दलको नेता चुन्ने कार्यक्रम तय गरेको हो । प्रतिनिधि सभामा माओवादी केन्द्रका ३२ सांसद छन् ।

यसअघि बुधबार काँग्रेसले चुनावमार्फत संसदीय दलको प्रधानमन्त्री समेत रहेका काँग्रेस सभापति शेरबहादुर देउवालाई चयन गरिसकेको छ । आज माओवादी केन्द्रले संसदीय दलको नेता चयन गरे लगत्तै बेलुका भावी सरकार निर्माणबारे थप छलफल अगाडि बढाउने कांग्रेस र माओवादीको तयारी छ ।

Advertisement