May 22, 2024, Wednesday
२०८१ जेष्ठ १०
1:37:26 pm

काठमाडौंमा प्रदर्शन हुँदै चलचित्र ‘युक्पुङ’

1.1K

काठमाडौं । लिम्बू संस्कृतिमा आधारित कथानक चलचित्र ‘युक्पुङ’ अर्थात ‘बस्ती’ काठमाडौंमा प्रदर्शन हुने भएको छ । संयोजक हाङ चेम्जोङका अनुसार शनिबार (भोलि) कमलपोखरीस्थित बिग मुभिजमा चलचित्र विशेष प्रदर्शनी हुँदैछ ।

चलचित्र यसअघि मोफसलका विभिन्न सहरमा प्रदर्शन भइसकेको छ । चलचित्र निर्माण समूहका अनुसार हङकङमा पनि प्रदर्शन हुने तयारी रहेको छ ।

नोगेन अर्गानिक इन्टरटेनमेन्टको प्रस्तुति रहेको ‘युक्पुङ’लाई दिनेश माङ्मुले निर्देशन गरेका हुन् । म्युजिक भिडियो निर्देशन र कोरियोग्राफी गर्दै आएका दिनेश माङुमुको ‘युक्पुङ’ डेब्यू चलचित्र हो । निर्देशक माङ्मुका अनुसार चलचित्र ‘थुक्पुङ’मा एउटा बस्तीको कथा रहेको छ ।

Advertisement

‘युक्पुङ’को गीतमा मदन वनेम र यासेली योङहाङको शब्द रहेको छ भने पाश्र्वसंगीत मदन वनेमकै रहेको छ । यसअघि यो चलचित्र धरान, झापा, मोरङलगायतका पूर्वका मुख्य शहरहरुमा प्र्रदर्शन भइसकेको छ । ती स्थानहरुमा दर्शकको राम्रो प्रतिक्रिया पाएको छ ।

चलचित्रमा सहरबाट अध्यापनका लागि गाउँ पुगेका एक शिक्षक, जो मातृभाषा र पा:लाम बुझ्दैनन् । तिनै शिक्षित युवा र गाउँबस्तीमा हुर्केकी अनपढ तर मातृभाषा र मौलिक संस्कुतिप्रति जागरुक युवतीबिचको प्रेम र संघर्षलाई ‘युक्पुङ’मा कथानक रुपमा प्रस्तुत गरिएको छ । यस चलचित्रमा बिष्णु मोक्तान र मदन वनेमको पटकथा रहेको छ ।

यस चलचित्रमा यासेली योङहाङ, कबिता आले, कुसल थलङ, सेसेमा सेन्दाङ ‘कमला’, मदन वनेम, डीबी लिम्बू, तेज आङदेम्बे, बिनु तुम्बाहाङफे, पुष्पा वनेम, प्रेम ओझा, कुमार ढकाल, सागर केरुङ, नुनाम केरुङ, मिराक वनेम, सुलभ नेम्बाङ, हिमाल लिम्बू, देउमान पालुङवा, टीआर सेनेहाङ, रबि किरण मादेन लगायतले अभिनय रहेको छ ।

नरकुमारी वनेम सेन्दाङ, स्वः भिमा पाङमा ९सियेम०, इन्दु लावती र ममता यक्सोको निर्माण रहेको चलचित्र ‘युक्पुङ’मा रविन्द्र बरालको छायाँकन, राजु घिमिरेको मुख्य–सहायक निर्देशन र तारा शर्माको श्रीङ्गार रहेको छ