अंक दूरी घटाउँदै युभेन्टस, बढाउँदै एसी मिलान

काठमाडौं– डिफेन्डिङ च्याम्पियन युभेन्टसले इटालियन सिरि ए फुटबलमा जित निकालेको छ। शनिबार राति भएको खेलमा युभेन्टसले साम्पडोरियालाई २–० गोलअन्तरले पराजित गरेको हो।

साम्पडोरियाको मैदानमा भएको खेलमा युभेन्टसका लागि फेडेरिको चिसा र आरोन राम्सीले गोल गरे। खेलको २० औं मिनेटमा नै चिसाले गोल गर्दै युभेन्टसलाई अग्रता दिलाए। उनले अल्भारो मोरटाको पासमा गोल गरे। पहिलो हाफमै गोल खाएको साम्पडोरिया युभेन्टसविरुद्ध दबाबमा खेलेको थियो।

युभेन्टसले खेलको अतिरिक्त समयमा अर्को गोल गर्दै २–० को जित निकालेको हो। यो पटक भने आरोन राम्सीले गोल गर्दै युभेन्टसलाई जित दिलाएका हुन्।

Advertisement