काँग्रेस नेता चन्द्रकान्त भण्डारीको काठमाडौंमा थप उपचार सुरु

काठमाडौं । नेपाली काँग्रेसका नेता तथा सांसद डा.चन्द्रकान्त भण्डारीको आजदेखि काठमाडौंमा थप उपचार सुरु गरिएको छ । आगलागीमा परी घाइते भएका उनको काठमाडौँको पुरानो बानेश्वरमा रहेको फ्रन्टलाइन अस्पतालमा थप उपचार सुरु भएको हो ।

उनलाई गत फागुन ४ गते राति घटना हुनासाथ प्रारम्भिक उपचार गराइएको कीर्तिपुर वर्न अस्पतालका प्रमुख तथा वरिष्ठ चिकित्सक डा शङ्करमान राईसँग परामर्श गरी फ्रन्टलाइनमा भर्ना गरिएको हो ।

डा. भण्डारीलाई यसअघि भारतको मुम्बईमा रहेको नेशनल बर्न सेन्टरमा उपचार गराइएको थियो । भारतबाट आइतबार स्वदेश फर्किएका भण्डारीको शरीरका अधिकांश भागमा जलेको घाउ रहेको छ ।

Advertisement

शरीरमा सङ्क्रमण हुने खतरा कायमै रहेकाले अस्पताल प्रशासन र चिकित्सकले भेटघाटमा अझै पनि प्रतिबन्ध लगाएका छन् ।