काँग्रेस यथास्थितिमा रहन्छ, एमाले र माओवादी ओरालो झर्दै जान्छन्: रकम चेम्जोङ

धरान । जनता समाजबादी पार्टी नेपालले चौबिसे गाउँ कमिटीको आयोजनामा “सुज” अभियान अन्तर्गत शुभकामना आदानप्रदान, कार्यकर्ता भेटघाट तथा प्रशिक्षण कार्यक्रम सम्पन्न गरेको छ ।

गाउपालिका कमिटी अध्यक्ष दिवा चेम्जोङको अध्यक्षता तथा जसपा केन्द्रीय कार्यकारी सदस्य रकम चेम्जोङको प्रमुख आतिथ्यता रहेको सो कार्यक्रममा जिल्ला अध्यक्ष बल बहादुर राई, नेफेसो अमेरिकाका पुर्व महासचिव लोक चेम्जोङ, जिल्ला उपाध्यक्ष नगेन्द्र देवानको उपस्थिति रहेको थियो ।

पार्टीको केन्द्रिय कार्यक्रम संगठन सुढृडिकरण तथा जनजागरण अभियान अन्तर्गत सप्पन्न सो कार्यक्रममा बोल्दै कार्यक्रमका प्रमुख अतिथि रकम चेम्जोङले काँग्रेस यथास्थितिमा रहने र एमाले र माओवादी ओरालो झर्ने बताए ।

Advertisement

चेम्जोङले तत्कालीन अवस्थामा अबको बढ्दो संगठन जसपा नै रहेको हुँदा नेता कार्यकर्ताहरू निरास नभई धृढताकासाथ सङ्गठन विस्तार तथा जनजागरण अभियानमा लाग्न सुझाए ।