जो बाइडेनको जितले पायो औपचारिकता

एजेन्सी- अमेरिकाको ४६औँ राष्ट्रपतिमा जो बाइडेनको जितले औपचारिकता पाएको छ ।

इलेक्टरल कलेजका सदस्यहरूले राष्ट्रपतीय चुनावमा जो बाइडनको जित भएको पुष्टि गरेका छन् ।

गत नोभेम्बरमा भएको चुनावमा डेमोक्र्याटहरूले ३०६ इलेक्टरल कलेज मत ल्याएका थिए भने रिपब्लिकन डोनल्ड ट्रम्पले २३२ ल्याएका थिए।

Advertisement

अमेरिकी प्रणाली अनुसार, मतदाताहरूले खासमा ‘इलेक्टरलहरूलाई’ मत दिन्छन् जसले चुनावपछि उम्मेदवारलाई औपचारिक रूपमा मत दिन्छन् ।

यो प्रक्रियामार्फत बाइडेनले औपचारिकता पाए पनि राष्ट्रपति डोनाल्ड ट्रम्पले भने अझै पनि मत परिणाम स्वीकारेका छैनन् ।

ट्रम्पले कतिपय राज्यमा मुद्दा हाले पनि ती सबै मुद्दालाई अदालतले खारेज गरिदिएका छन् । तर पनि उनले अझै पराजय स्वीकारेका छैनन् ।

डेमोक्र्याटहरूको बलियो उपस्थिति रहेको क्यालिफोर्नियाले सोमबार अन्तिममा हालेको मतले बाइडेनलाई औपचारिक जितको नतिजा पारे गराएको थियो ।