नेपालमामिला संवाददाताAdvertisement
May 21, 2025, Wednesday
२०८२ जेष्ठ ८
1:37:26 pm
२०७८ कार्तिक ११
लन्डन । प्रधानमन्त्री शेरबहादुर देउवा शुक्रबार बेलायत आउदैछन् । देउवा नोभेम्बर १ र २ मा संयुक्त अधिराज्यको ग्लास्गोमा हुने संयुक्त राष्ट्रसङ्घीय संरचना महासन्धि (कोप–२६) को पक्षको २६औँ सम्मेलनको वर्ल्ड लिडर समिटका लागि नेपाली प्रतिनिधिमण्डलको नेतृत्व गर्दै आउन लागेका हुन् ।
प्रधानमन्त्री देउवा नोभेम्बर २ को बिहान प्रधानमन्त्री जोनसन र स्कटल्याण्डका प्रथम मन्त्रीले सीमित राष्ट्राध्यक्ष तथा सरकार प्रमुखका लागि आयोजना गर्ने ब्रेकफास्ट रिसेप्सनमा पनि सहभागी हुनुहुने मन्त्रालयले जनाएको छ ।
त्यसैगरी प्रधानमन्त्री देउवाले नोभेम्बर ३ तारेखमा स्कटल्याडको इडिनबर्गस्थित रोयल बोटानिक गार्डेनको भ्रमण गरी त्यहाँको भेलालाई सम्बोधन गर्ने कार्यक्रम रहेको छ ।
प्रधानमन्त्री देउवा नेतृत्वको प्रतिनिधिमण्डलमा वन तथा वातावरणमन्त्री रामसहायप्रसाद यादवलगायत सरकारका वरिष्ठ अधिकारीहरू सहभागी हुनेछन् ।
प्रधानमन्त्रीको टोली बेलायतबाट नोभेम्बर ३ गते स्वदेश फर्कनेछन् ।
कोप–२६ अक्टोबर ३१ देखि नोभेम्बर १२ सम्म संयुक्त अधिराज्यको ग्लास्गोमा आयोजना हुँदैछ ।
नेपालमामिला संवाददाता 
