March 4, 2024, Monday
२०८० फाल्गुन २१
1:37:26 pm

डाटा हराएपछि लोक सेवा आयोगले पुनः माग्यो आवेदन, जेठ १८ भित्र आवेदन दिन सकिने

2K

काठमाडौं । लोक सेवा आयोगले जेठ महिनादेखि सञ्चालन हुने गरी तोकिएको परीक्षा लागि पुनः दरखास्त माग गरेको छ । हराएको डाटा रिकभर हुने, नहुने यकिन नभएपछि आयोगले न्याय, परराष्ट्र, सामान्य प्रशासन, लेखापरीक्षण, संघीय संसद् आदि सेवामा मंसिर, पुस र माघ महिनामा खुलाइएको विज्ञापनमा पुनः दरखास्त हाल्न भनेको हो ।

सूचना प्रकाशित गर्दै आयोगले यसअघि आवेदन दिएकालाई मात्रै पुनः दरखास्त हाल्न भनेको छ । ‘लोक सेवा आयोगको अनलाइन दरखास्त प्रणाली होस्ट गरिएको सरकारी एकीकृत डाटा सेन्टर (जिआइडिएस)मा अवस्थित पूर्वाधारमा २०७९ फागुन २३ गते समस्या सिर्जना भएपश्चात् जिआइडिएसबाट डाटा रिकभरीको कार्य भइरहेको तर प्रक्रिया कहिलेसम्म पूरा हुने, के कति डाटा रिकभरी हुने सम्बन्धमा यकिन गर्न नसकिने व्यहोरा जानकारी प्राप्त भएको छ । अनिश्चित कालसम्म आयोगका पूर्वप्रकाशित विज्ञापन सम्बन्धी कार्यहरूलाई यथास्थितिमा राख्दा कार्यतालिका नै प्रभावित हुने देखियो ।’, सूचनामा उल्लेख छ ।

आयोगले परीक्षाको तयारी गरिरहेका उम्मेदवारहरूलाई मर्का नपरोस् भनेर वैशाख १४ गते निर्णय गरेर पुनःदरखास्त माग गरिएको जनाएको छ । उम्मेदवारहरूले जेठ १८ भित्र पुनः आवेदन दिन सक्ने छन् ।

Advertisement