गोर्खाहरुलाई ब्रिटिश नागरिकता सस्तो र सुलभ बनाइदिन रशमूर काउन्सिल प्रमुखद्धारा प्रधानमन्त्रीलाई पत्र

लण्डन – बेलायतमा नेपालीहरुको सबैभन्दा घना बस्ती भएको क्षेत्र रशमूर बरो काउन्सिलका प्रमुख डेभिड क्लिफोर्डले गोर्खा समुदायका लागि बेलायती नागरिकता विशेष रुपमा सरल र सुलभ बनाइदिन अनुरोध गर्दै प्रधानमन्त्रीलाई एक पत्र लेखेका छन् ।

काउन्सिल प्रमुख क्लिफोर्डले प्रधानमन्त्री बोरिस जोन्सनलाई गत २५ फेब्रुवरी लेखेको पत्रमा आफ्नो रशमूर क्षेत्रमा विशेष गरी कमाण्डवेल्थ (राष्ट्रमण्डल) र गोरखा सिपाहीका दिग्गजहरू बसोवास गरेको तथ्य जानकार गराउँदै ब्रिटिश सशस्त्र सेना र स्थानीय समुदायलाई उनीहरूले पुर्‍याएको महत्वपूर्ण योगदानको चर्चा गरेका छन् । उनले पूर्व सिपाहीं र तिनका परिवारलाई स्थानीय समुदायमा समाहित गर्न आफ्नो नेतृत्वको स्थानीय निकाय रशमुर बरो काउन्सिलले प्रभावकारी भूमिका खेलिरहेको जानकारी गराएका छन् ।

यद्यपि राष्ट्रमंडल र गोरखा सैनिक सैनिकहरूलाई बेलायती नागरिकताको आवेदन र प्राप्तिको प्रकृयामा धेरै व्यवहारिक कठिनाइहरु रहेको काउन्सिल लिडर डेभिड क्लिप्फोर्डले पत्रमा जनाएका छन् । उनले विशेष गरी आवेदन प्रकृया धेरै नै चुनौतिपूर्ण भएको र शुल्क पनि अत्यधिक महंगो भएको तथ्य उजागर गरेका छन् ।

Advertisement

काउन्सिल प्रमुख क्लिप्फोर्डले रक्षा मन्त्रालय (एम. ओ. डी) ले पूर्व सैनिकहरुका लागि ब्रिटिश नागरिकताको आवेदनमा सरलता, लचकता र शुल्कमा कमी गर्न सार्वजनिक परामर्श गर्न चाहेको कुरा पनि पत्रमा अवगत गराउँदै उनले प्रधानमन्त्रीलाई भनेका छन्, “हामी यस बारेमा गरिएको समीक्षा गरिएको हेर्नका लागि उत्सुक छौं, किनकि हाम्रो अल्डर्शट र फार्नबोरो क्षेत्र सैनिकहरु उनीहरुका परिवारहरुले भरिएको हुनाले हाम्रो लागि यो तत्कालिक हित र मह्त्वको विषय हो । त्यसैले सरकारले नागरिकतामा आवेदनमा विद्यमान अवरोधहरुलाई कम गर्नका लागि आवश्यक कदम चाल्न हामी सरकारलाई अनुरोध गर्दछौं ।”

पत्रको अन्तमा काउन्सिल प्रमुख क्लिप्फोर्डले यस देश र महारानीको सेवामा सधैं समर्पित राष्ट्रमण्डलका र पूर्व गोर्खा सैनिकहरुको हितका मुद्दाहरुमा चाँडो प्रगति भएको देख्न चाहेको उल्लेख गरेका छन् ।

यस्तो छ रशमूर बरो काउन्सिलका प्रमुख डेभिड क्लिप्फोर्डले प्रधानमन्त्री बोरिस जोन्सनलाई लेखेको पत्रः