सप्तकोशीको बहाव वर्षकै उच्च

सुनसरी । एक लाख ५० हजार क्युसेक पानी नाघेपछि खतराको सङ्केत मानिने सप्तकोशी नदीमा सोमबार बिहान ४ बजे पानीको बहाव ४ लाख ६२ हजार ३४५ क्युसेक पुगेको छ ।

पानीको बहाव यो वर्षकै उच्च मापन भएको छ । पानी बहाव बढेपछि कोशी ब्यारेजका सबै ५६ वटै ढोका अहिले खोलिएका छन् । कोशी नदीको तटीयमा क्षेत्रमा रहेका सर्वसाधारणलाई सतर्क रहन प्रशासनले आग्रहसमेत गरेको छ।

मनसुनको न्यून चापीय रेखा सरदर स्थानभन्दा उत्तरतिर (नेपालको पहाडी भू–भागको नजिक) अवस्थित रहेको छ। यसका साथै बङ्गालको खाडीबाट आइरहेको जलवास्पयुक्त हावाको पनि प्रभाव रहेको छ। हाल देशभर पूर्णतया बदली रही सबै प्रदेशका पहाडी भू–भागका केही र बाँकी भू–भागका थोरै स्थानहरूमा वर्षा भइरहेको छ।

Advertisement