नेपालमामिला संवाददाताAdvertisement
April 2, 2025, Wednesday
२०८१ चैत्र २०
1:37:26 pm
२०७९ फाल्गुन १६
काठमाडौं । नेपाली कांग्रेसका सभापति शेरबहादुर देउवाले एमालेका अध्यक्ष केपी शर्मा ओलीलाई राष्ट्रपतिका उम्मेदवार वरिष्ठ नेता रामचन्द्र पौडेललाई भोट माग्दै पत्र पठाएका छन् ।
देउवाले भोट माग्नु भएको पत्र कांग्रेसका मुख्य सचिव कृष्णप्रसाद पौडेलले सोमबार ओली निवास बालकोट पुगेर बुझाएका हुन् । यसअघि एमालेका तर्फबाट राष्ट्रपति उम्मेदवार बनेका उपाध्यक्ष नेम्वाङलाई भोट हाल्न अध्यक्ष ओलीले कांग्रेसबाहेक दल र स्वतन्त्रलाई पत्र पठाएका थिए ।
गत शनिबार राष्ट्रपतिमा कांग्रेससहित ८ दलको समर्थनमा वरिष्ठ नेता पौडेलले उम्मेदवारी दर्ता गर्नुभएको थियो भने एमालेका नेता नेम्वाङले उम्मेदवारी दर्ता गरेका थिए ।
यही फागुन २५ गते राष्ट्रपतिका लागि मतदान हुँदैछ । राष्ट्रपति निर्वाचनका लागि प्रदेशसभाका सदस्य ५५० र संघीय संसदका ३३२ गरी ८८२ मतदाता छन् ।
नेपालमामिला संवाददाता 
