May 22, 2024, Wednesday
२०८१ जेष्ठ १०
1:37:26 pm

ग्वार्कोमा भएको आगलागीमा परी घाइते भएकामध्ये दुई बालिकाको मृत्यु

730

काठमाडौं । ललितपुर महानगरपालिका-१७ ग्वार्कोस्थित एक टहरोमा आइतबार भएको आगलागीमा परी घाइते भएकामध्ये दुई बालिकाको मृत्यु भएको छ ।

आगलागी हुँदा एकै परिवारका पाँचजना घाइते भएकोमा घाइतेमध्ये आठ वर्षीया प्रिया गिरी र तीन वर्षीया एलिसा गिरीको सोमबार मृत्यु भएको हो ।

प्रहरीका अनुसार उनीहरुको उपचारका क्रममा किष्ट अस्पतालमा बेलुका ७ :३० बजेतिर मृत्यु भएको हो । अन्य दुईजनाको अवस्था गम्भीर रहेको र उनीहरुको उपचार भइरहेको छ । एकजनाको अवस्था खतरामुक्त रहेको प्रहरीको भनाइ छ ।

Advertisement

प्रहरीका अनुसार घर मालिक ३५ वर्षीय सञ्जय गिरीको भेन्टिलेटरमा र उनकी श्रीमती ३२ वर्षीया रुपा गिरीको आइसियुमा राखेर उपचार भइरहेको छ । अर्का घाइते नित गिरीको अवस्था सामान्य छ । गिरीलाई साधारण वार्डमा सारिएको छ ।