‘पहिचान पुरस्कार २०७९’ को लागि उत्कृष्ट ८ पुस्तकहरु छनोट

काठमाडौं । पहिचान पुरस्कार कोषले २०७९ को लागि उत्कृष्ट ८ वटा पुस्तकहरु छनोट गरेको छ । कोषले प्रगति राईको ‘थाङ्ग्रा’, जानुका खतिवडाको ‘आतोओडा’, करुणा राईको ‘रसिया राग’, मञ्जुल मितेरीको ‘कामी’, प्रकाश गुरागाईंको ‘जङ्क्सन पिपलबोट’ (नयाँ सडकको कथा): पराजित पोमुको ‘मद्घारा मेरो निर्माण’ छनोटमा परेको जनाएको छ ।

यस्तै, तीन फरक विषय (फोकल्याण्ड युद्धका सिपाही, पहिलो विश्वयुद्घका चिठी र उनै जङ्गबहादुरः श्रीभक्त खनाल र खेमराज रानाभाट र शून्यको मूल्य (सास, साहस र स्नेहको कथा)ः डा. नवराज केसीको पुस्तक रहेको छ ।

यसअघि ९ वटा कृतिहरुले पहिचान पुरस्कार पाइसकेको छ भने पहिचान सम्मानबाट लेखक तथा राजनैतिक विश्लेशक खगेन्द्र संग्रौला सम्मानित भएको छ । राजन मुकारुङको निबन्ध संग्रह ‘फेरिदो सौन्दर्य’, अर्जुन खालिङको कविता संग्रह ‘गोयङको सुगन्ध’, यज्ञशको कथा संग्रह ‘भुइया’, सरस्वती प्रतिक्षाको उपन्यास ‘नथिया’ र उन्मुक्त पुस्ताको कविता संग्रह ‘आफर’लाई संयुक्त प्रदान गरेको छ ।

Advertisement

त्यसै गरी श्याम शाहको कथा संग्रह ‘पथेर’ र अनन्त वाग्लेको उपन्यास ‘कदम’, अर्जुनबाबु माबोहाङ र अमित थेवे मिहाङद्धारा सङ्कलित ‘सिरिजंगा, फाल्गुनन्द र ईमानसिंह चेम्जोङका लेखोट’ र कविता राईको ‘गुरु’ उपन्यासलाई संयुक्त रुपमा पुरस्कार यस अघि प्रदान गरिसकेको छ ।

पुरकस्कार राशी ४,०२,००२ (अक्षरेपि चार लाख दुई हजार दुई रुपैयाँ) रहेको छ ।