June 22, 2024, Saturday
२०८१ असार ९
1:37:26 pm

राष्ट्रपतिलाई निर्वाचनको प्रतिवेदन बुझाइयो, अब सरकार गठनको पक्रिया अघि बढ्ने

1.5K

काठमाडौं । निर्वाचन आयोगले प्रतिनिधिसभाको पहिलो हुने निर्वाचित हुने निर्वाचन प्रणाली र समानुपातिक निर्वाचन प्रणालीतर्फको निर्वाचन परिणामसहितको प्रतिवेदन आज राष्ट्रपतिसमक्ष बुझाएको छ । ।

शितल निवासमा विहीबार आयोजित एक विशेष समारोहका बीच मुख्य निर्वाचन अधिकृत दिनेश कुमार थपलियाले मङ्सिर ४ गते सम्पन्न निर्वाचनको अन्तिम परिणाम राष्ट्रपति विद्यादेवी भण्डारीलाई बुझाएका हुन् । सो अवसरमा राष्ट्रपति भण्डारीले लोकतन्त्र सुद्रिकरणीकरणका लागि सम्पन्न निर्वाचन महत्त्वपूर्ण रहेको बताइन ।

राष्ट्रपति भण्डारीले निर्वाचनमा सहभागी मतदाता,सुरक्षाकर्मी,राष्ट्रसेवक कर्मचारी लगायत निर्वाचन सम्पन्न गराउन प्रत्यक्ष अप्रत्यक्ष रुपमा सहयोग पुर्‍याउनु हुने सबैमा धन्यवाद ज्ञापन गरिन ।

Advertisement

आयोगले समानुपातिक निर्वाचन प्रणालीको परिणाम बुधबार घोषणा गरेसँगै प्रतिनिधिसभा तथा प्रदेशसभा सदस्य निर्वाचनको अन्तिम नतिजा प्रकाशन गरेको थियो । आयोगले नतिजा घोषणा भएको सात दिनभित्र राष्ट्रपतिसमक्ष र प्रदेशसभाको हकमा प्रदेश प्रमुखसमक्ष पठाउनुपर्ने प्रावधान छ ।

यसैगरी आगामी पुस २ गते प्रदेशसभा सदस्य निर्वाचन २०७९ को परिणामसहितको प्रतिवेदन सातै प्रदेशको राजधानीमा प्रदेशका प्रदेश प्रमुखसमक्ष आयोगका पदाधिकारीबाट प्रतिवेदन प्रस्तुत गरिने कार्यक्रम छ । प्रतिवेदन बुझाएसँग नयाँ सरकार निर्माणको प्रक्रिया अघि बढ्ने छ ।