काठमाडौंमा कांग्रेसको प्रदर्शन

काठमाडौं – प्रमुख प्रतिपक्षी नेपाली कांग्रेसले सोमबार सरकारविरुद्ध देशव्यापी विरोध प्रदर्शन गरिरहेको छ। यसैक्रममा काठमाडौंमा पनि विरोध प्रदर्शन सुरु  भएको छ । अहिले कांग्रेसका नेता तथा कार्यकर्ताहरु रत्नपार्कस्थित शान्ति बाटिकामा जम्मा भएर विरोध र्‍याली सुरु गरेका छन्। 

र्‍याली बागबजार, पुलतीसडक, प्रदशर्नीमार्ग, सुन्धाराहुँदै पुन: रत्नपार्कस्थित शान्ति बाटिकामा  पुगेर कोणसभामा परिणत हुनेछ। भेलामा वरिष्ठ नेता रामचन्द्र पौडेलले सम्बोधन गर्नेछन्। 

पार्टीका वरिष्ठ नेता रामचन्द्र पौडेलमाथि दुव्र्यवहार, भ्रष्टाचार र कोरोना नियन्त्रणमा सरकारको लापरवाहीको विरोधमा कांग्रेसले ७७ वटै जिल्लामा प्रदर्शन सुरु गरेको हो।

Advertisement

कांग्रेस सभापति शेरबहादुर देउवाले देशभर हुने प्रदर्शन विशेष रूपले महत्त्वपूर्ण भएको भन्दै सक्रिय सहभागिताका लागि पार्टीका सम्पूर्ण सदस्य, समर्थक र शुभचिन्तकसँगै सबै लोकतन्त्र पक्षधरलाई आह्वान गरेका छन्।