प्रवासी नेपाली एकता मंच बेलायतद्वारा सर्वोच्चको निर्णयको स्वागत

लण्डन– प्रतिनिधि सभा विघटनको विपक्षमा सर्वोच् अदालतले गरेको फैसलाको स्वागत गर्दै प्रवासी नेपाली एकता मंच बेलायतले प्रेस वक्तव्य जारी गरेको छ ।

मञ्चले वक्तव्य मार्फत प्रधानमन्त्री ओलीद्वारा सिफारिश प्रतिनिधि सभा विघटनको कदम असंवैधानिक र अलोकतान्त्रिक छ भनी विरोध गर्दै आएको थियो । जारी वक्तव्यमा भनिएको छ, ‘२०७७ पुष ५ गतेका दिन प्रधानमंत्री केपी शर्मा ओलीको सिफारिसमा राष्ट्रपति विद्या भण्डारीले विघटन गरेको प्रतिनिधि सभालाई आज ११ फागुन २०७७ का दिन सम्मानित सर्वोच्च अदालतले बदर गर्ने फैसला गरेको छ ।

आम नेपाली जनताको भावना, विधि र तथ्यहरुको आधारमा संविधानको मर्म अनुरुप विघटित प्रतिनिधि सभा पुनस्र्थापित हुने गरी सम्मानित सर्वोच्च अदालतले गरेको फैसलाको सम्मान गर्दै हार्दिक स्वागत गर्दछौं’ । अध्यक्ष राजेन्द्र पुडासैनी र सचिव सुरेश गौतमद्वारा हस्ताक्षरित वक्तव्यमा असंवैधानिक काम गर्ने प्रधानमंत्री ओलीलाई नैतिकताको आधारमा तत्काल आफ्नो पदबाट राजीनामा दिन समेत मञ्चले माग गरेको छ ।

Advertisement

साथै वक्तव्य मार्फत मञ्चले प्रधानमन्त्रीको उक्त कदम प्रतिगमनकारी भएको जनाएको छ । त्यसलाई सच्याउन मञ्चले चलाएको दवाव अभियानमा सघाउने देश भित्र र बाहिरका सबै साथीहरुलाई धन्यवाद समेत ज्ञापन गरेको छ ।

मञ्चद्धारा आज जारी वक्क्तव्यः