April 13, 2024, Saturday
२०८१ बैशाख २
1:37:26 pm

‘ब्रेक शु’मा तस्करी गरिएको सुनको तौल ६० किलो ७८९ ग्राम मात्रै

1.6K

काठमाडौं । त्रिभुवन अन्तर्राष्ट्रिय विमानस्थल भन्सार कार्यालय बाहिर बरामद भएको सुन जोख्दा ६० किलो ७८९ ग्राम भएको छ । राजस्व अनुसन्धान विभागले साउन ३ मा सिनामंगलबाट बरामत गरेको सुन सहितको १५५ किलो ‘ब्रेक शु’ बाट सुन छुट्टयाएर जोख्दा ६० किलो ७८९ ग्राम भएको हो ।

सीआईबी, राजस्व, नेपाल राष्ट्र बैंक र टक्सार कार्यालयका प्रतिनिधिको रोहबरमा सुन जोखिएको हो । अब त्यो सुनलाई यिनै निकायका प्रतिनिधिको रोहबरमा भोलि मंगलबार बिहान साढे १० बजे गालिने नेपाल राष्ट्र बैंकको टक्सार महाशाखाका प्रमुख थानेश्वर आचार्यले जानकारी दिए ।

सुन प्रकरणको अनुसन्धान १९ दिनसम्म गरेर राजस्व अनुसन्धान विभागले थप छानबिनको जिम्मा सीआईबीलाई लगाएको थियो । सीआईबीले संगठित अपराध र राजस्व छलीको कसुरमा यो प्रकरणको अनुसन्धान गरिरहेको छ ।

Advertisement