बेलायतको वेस्लीहिथमा पीपल ग्रुपको छैठौँ शाखा विस्तार

२०७९ आश्विन ८

2.5K

लन्डन । बेलायतमा पीपल ग्रुपले आफ्नो नयाँ शाखा विस्तार गरेको छ । लामो समयदेखि फाईनान्सियल (वित्तीय) सेवा प्रदान गर्दै आईरहेको ग्रुपले छैठौँ शाखाको रुपमा साउथ इष्ट लण्डनको वेस्लीहिथमा नयाँ शाखा विस्तार गरी सेवा आरम्भ गरेको हो ।

नेपाली व्यवसायीहरुद्धारा ७ वर्ष अगाडी सुरु भएको यस पीपल ग्रुपले बेलायतमा मोर्गेजेज, प्रोटेक्सन्स, होम इन्स्योरेन्स, कमर्शियल फाइनन्स, विल्स तथा प्रोेपर्टी सेल्स, लेटिङ्गस तथा म्यानेज्मेन्ट लगायतका सेवाहरु प्रदान गर्दै आएको थियो ।

औपचारिक उद्घाटन समारोहममा बोल्दै पीपल ग्रुपका निर्देशक सूर्य प्रकाश गुरुङले बेलायतमा ग्राहकहरुकै माया, सदभावसगैं सुविधाका लागि नयाँ शाखा वेस्लीहिथमा विस्तार गरिएको बताए । शाखा शुभारम्भ कार्यक्रममा स्थानीय नेपालीहरु समेत बाक्लो उपस्थिति रहेको थियो ।

कार्यक्रममा बेक्स्ली नेपाली समाजका अध्यक्ष आनन्द धरेल, पूर्व अध्यक्ष बिजय गुरुङ, राजेश पाठक, सुशील प्रजापति, सचिन श्रेष्ठ, लछुमन गुरुङ, डा सुदर्शन गुरुङ, सुर्य केशी सुरज मास्के लगायतको उपस्थिति रहेको थियो ।

बेलायतको फाईनान्सियल सेक्टरमा लामो अनुभव भएका निर्देशक गुरुङ पीपल मोर्गेजेज र पीपल स्टेट एजेन्टस्का निर्देशक पनि हुन् । दुई कम्पनीमा रहेको पीपल ग्रुपमा हाल ४० जना भन्दा धेरै कार्यरत रहेका छन्