रेनुका पराजुली पशुपति क्षेत्र विकास कोष सञ्चालक परिषद सदस्यमा नियुक्त

काठमाडौं । पशुपति क्षेत्र विकास कोष सञ्चालक परिषद सदस्यमा रेणुका पराजुली नियुक्त भएकी छन्। एकीकृत ट्रेड युनियन महासंघ , नेपाल राष्ट्रिय कमिटी सदस्य तथा अनेमसंघ समाजवादी काठमाडौंको सचिवालय सदस्य लसमेत रहेकी पराजुली नेपाल सरकारको संस्कृति, पर्यटन तथा नागरिक उड्डयन मन्त्रालयद्वारा  मनोनित भएकी हुन् ।

सिन्धुपाल्चोक जिल्लामा जन्मेर काठमाडौंको बुढानीलकण्ठ नगरपालिकामा स्थायी रुपमा बस्दै आएकी पराजुलीलाई शुक्रबारको मन्त्रीस्तरको निर्णय अनुसार पशुपति क्षेत्र विकास कोष, सञ्चालक परिषदको सदस्य पदमा ४ वर्षका लागि मनोनीत गरिएको हो ।

कोष सञ्चालक परिषदको सदस्य मन्त्री अर्थात परिषद अध्यक्ष स्तरीय निर्णयबाट नियुक्त हुने व्यवस्था पशुपति क्षेत्र विकास कोष ऐन, २०४४ मा गरिएको छ । परिषदमा राष्ट्रिय योजना अयोगको संस्कृति हेर्ने सदस्य, पशुपतिनाथका मूलभट्ट, संस्कृति, गृह र भौतिक पूर्वाधार तथा यातायात मन्त्रालयका सचिव, काठमाडौं महानगरपालिकाका प्रमुख र गुठी संस्थानका अध्यक्ष वा प्रशासकमध्ये एकजना पदेन सदस्य रहने व्यवस्था ऐनमा गरिएको छ ।

Advertisement