अब काङ्ग्रेसको नेतृत्वमा मात्र लोकतन्त्र सुढृढ बन्छ: रविप्रकाश राई

खोटाङ । नेपाली काङ्ग्रेसका युवा नेता रविप्रकाश राईले कम्युनिष्टले लोकतान्त्रिक व्यवस्थालाई ध्वस्त गरेको र अब काङ्ग्रेसले संविधानवादको जगमा टेकेर लोकतन्त्रलाई सुदृढ र संस्थागत गर्ने बताएका छन। नेपाली काङ्ग्रेस केन्द्रिय अनुशासन समितिका संयोजक भिष्मराज आङ्देम्बेको प्रमुख आतिथ्य र नेपाली काङ्ग्रेस ओखलढुंगाका सभापती प्रदिप सुनुवारको विशेष आतिथ्यमा सम्पन्न अन्तरक्रिया कार्यक्रममा युवा नेता राईले सो बताएका हुन् ।

नेपाली काङ्ग्रेस खोटाङले आयोजना गरेको अन्तरक्रिया कार्यक्रममा बोल्दै युवा नेता राईले कम्युनिष्टसंग जनताले विश्वास गरेर दिएको मत थेग्न सक्ने क्षमता नभएको बताए । युवा नेता राईका भने “कम्युनिष्टलाई जनताले विश्वास गरेर दिएको मतको परिणाम स्वरुप आज देशले यो राजनीतिक संकटको परिस्थिती भोग्नु परेको छ, यो राजनीतिक संकट मात्र नभई कम्युनिष्ट सत्ताको फल स्वरुप अर्थतन्त्र ध्वस्त हुनुका साथै लोकतन्त्रले समेत ठूलो मूल्य चुकाउनु पर्ने स्थिती आएको छ” ।

साथै नेता राईले, काङ्ग्रेसले चुनाव अगावै भनेको कम्युनिष्टहरु सत्तामा आए भने लोकतन्त्रले मौलाउन नपाउने र देशले विकासको अनुभुती गर्न नसक्ने कुरा आज प्रमाणित भएको बताए । यो राजनीतिक संकटको विचबाट देशलाई माथी उठाउन र बिग्रिएको अर्थतन्त्रलाई सुधार्न जनताले काङ्ग्रेसको नेतृत्व खोजिरहेको समेत युवा उनले बताए ।

Advertisement

साथै नेता राईले कार्यक्रममा उपस्थित कार्यकर्ताहरुलाई, काङ्ग्रेसले उद्घाटन गरेको लोकतान्त्रिक आन्दोलनलाई सफल बनाउन र कम्युनिष्टका कारण निराश जनतामा उत्साह ल्याउन काङ्ग्रेसको नेतृत्व आवश्यक भएकोले तयारी अवस्थामा बस्न अपिल समेत गरेका छन ।