July 21, 2024, Sunday
२०८१ श्रावण ६
1:37:26 pm

काठमाडौलाई व्यवस्थित, सफा र सुन्दर सहर निर्माण गर्न योजनाबद्ध कार्यहरू सञ्चालन गर्नुपर्ने मन्त्री चौधरीको भनाइ

1.5K

काठमाण्डौं । सहरी विकासमन्त्री मेटमणि चौधरीले काठमाण्डौ उपत्यकाभित्र देखिएका सुकुम्बासी समस्या समाधान गर्न सबै पक्षको सहयोग र सहमति आवश्यक रहेको बताएका छन् । २८ औँ महानगर दिवसको अवसरमा  बिहीवार काठमाण्डौमा आयोजित कार्यक्रममा बोल्दै उनले काठमाण्डौलाई व्यवस्थित, सफा र सुन्दर सहर निर्माण गर्नका लागि आवश्यक पूर्वाधारको विकास गर्न योजनाबद्ध कार्यहरू सञ्चालन गर्न ढिलाइ गर्न नहुने बताएका हुन्  ।

काठमाण्डौ सहरको सौन्दर्यमा प्रतिकूल असर पार्ने फोहरमैलाको व्यवस्थापन तथा नदी किनारामा रहेका सुकुम्बासी बस्तीको व्यवस्थापन कार्य चुनौतीपूर्ण रहेको उल्लेख गर्दै मन्त्री चौधरीले त्यसको समाधानका लागि सबै पक्षको सहयोग र सहमति आवश्यक रहेको बताए  ।

महानगरपालिकालाई बसोबास योग्य, प्रदूषणरहित वातावरणमैत्री बनाइ महानगर वासीको आधारभूत आवश्यकता परिपूर्ति गर्न महानगरपालिकाले खेल्दै आएको भूमिका महत्त्वपूर्ण रहेको उल्लेख गर्दै मन्त्री चौधरीले यस काममा नेपाल सरकारले पनि सक्दो सहयोग गरिरहेको र त्यसलाई निरन्तर अघि बढाउने प्रतिबद्धता व्यक्त गरे  । 

Advertisement

मन्त्री चौधरीले महानगरभित्र देखिएका फोहरमैला लगायतका समस्या समाधान गरि अघि बढ्न काठमाण्डौ महानगरपालिका सफल हुने विश्वाससमेत व्यक्त गरे।