एक महिना मै कुवेतमा सरकार विघटन, राजाद्वारा प्रधानमन्त्रीको राजीनामा स्वीकृत

नयाँ सरकार गठन भएको एक महिनामा नै कुवेतको सरकार विघटन भएको छ । कुवेतका राजा  शेख नवाफ अल-अहमद अल-जाबेर अल सबाहले हिजो प्रधानमन्त्री र मन्त्रिपरिषदको राजीनामा स्वीकार गरेको कुरा एमिरी फरमानले बताएको  छ।

प्रधानमन्त्री शेख सबाह खालेद अल हमद अल सबाहको राजीनामा राजाले सोमबार स्वीकृत गरेको छ  । प्रधानमन्त्री सबाहले यही जनवरी १३ मा कुवेती राजा समक्ष राजीनामा पेश गरेका थिए । तत्कालै अर्को मन्त्रीपरिषद् गठन गर्ने तयारी भइरहेको राजदरबारका अधिकारीहरूले जानकारी दिएका छन् ।

देशको राष्ट्रिय सभा र मन्त्रीपरिषद्का बीचमा सम्वन्ध विग्रिएकाले राजीनामा दिनु लागेको प्रधानमन्त्रीले मन्त्रीपरिषद् बैठकमा जानकारी दिएका थिए ।

Advertisement

उहाँले उपप्रधानमन्त्री र मन्त्रीहरुलाई राजनीतिक अवस्थाका बारेमा व्याख्या गर्दै आफुहरु अव विदा हुनुपर्ने अवस्थामा रहेको संकेत गरेका थिए । उहाँले सन् २०२० डिसेम्बर १४ देखि कुवेती सरकारको नेतृत्व गरेका थिए ।