नेकपा एस दोलखा(ख)बाट महिला अभियन्ता तारा तामाङ समानुपातिकमा सिफारिस

दोलखा । आगामी मङ्सिर ४ मा हुन गएको निर्वाचनको लागि दोलखा जिल्लाको प्रदेश (ख)बाट तारा तामाङ समानुपातिकतर्फ सिफारिस भएकी छन् । दोलखा जिल्लाको सामाजिक अभियन्ताको रुपमा लामो समयदेखि कार्य गर्दै आएकी तामाङले दोलखाको कम्युनिष्ट पार्टीको विभिन्न जिम्मेवारीमा रहेर भूमिका निर्वाह गरेकी छन् ।

जिल्लामा रहेर कम्युनिस्ट पार्टीमा महिलाहरूको नेतृत्व गर्नेमध्ये राम्रो भूमिका निर्वाह गर्दै आएकी तामाङ युवा, महिला, बालबालिका, जेष्ठ नागरिकको मनमा बस्न सफल नेताको रुपमा स्थापित छिन् ।

नेकपा एकीकृत समाजवादी दोलखा पार्टी कमिटीको सचिवालय सदस्य, अखिल नेपाल महिला संघ दोलखा समाजवादीको अध्यक्ष, नेकपा एकीकृततर्फको घटक संगठन नेपाल तामाङ समाज संघको कोषाध्यक्ष सहित विभिन्न जिम्मेवारीमा रहनु भएकी तामाङले विगतमा शिक्षण पेशा सहित वित्तीय संस्थामा शाखा प्रमुखको रुपमा आफ्नो जिम्मेवारी पूरा गरेकी उनले हरहमेसा समुदायको हकहितका लागि तत्पर रहँदै महिला मानवअधिकार रक्षकहरूको जिल्ला सञ्जाल जिल्ला अध्यक्ष समेतको जिम्मेवारी सम्हालिरहेकी छन् ।

Advertisement

सामाजिक क्षेत्रको योगदानको उच्च मूल्याङ्कन गर्दै २०७७ फाल्गुन ५ गते गौरीशंकर च्छोरोल्पा मिडियाद्वारा उनलाई सामाजिक व्यक्तित्व २०७७ को सम्मान पनि प्रदान गरेको थियो । कहिले कलममार्फत कहिले साहित्य, कवितामार्फत सधैँ समाज परिवर्तनका निम्ति आवाज बुलन्द गर्ने र राजनीतिक, सामाजिक अनुशासन र नयाँ पीढीप्रतिको चिन्तन बोक्ने उनी कहिले कलम चलाएर कथा कविता र साहित्य सृजनाका माध्यमबाट सामाजिक कुरीति कुसंस्कार र व्यभिचारको बिरुध्दमा आवाज बुलन्द गर्दै आएकी छन् ।

कर्म र इमान्दारीमा विश्वास राख्ने तामाङ दीर्घकालीन सोच, उद्देश्यका साथ निरन्तर रुपमा अगाडि बढेमा अवश्य पनि लक्ष्यमा पुग्न सकिन्छ भन्ने विश्वास राख्छिन् । पुँजीवादको अन्त्य गर्न असमानताको खाडल पुर्दै आफ्नो क्षमताको आधारमा अगाडि आउनु पर्छ जबकि महिलालाई आरक्षणका कोटामा मात्र खुल्ला प्रतिस्पर्धामा विचरण गर्न दिनुपर्ने उनको धारणा छ ।