व्यवस्थापिका संसद्‌मा सम्बोधन गर्दै अध्यक्ष नेपालका १५ बुँदे सुझाव 

काठमाडौं। नेकपा एकीकृत समाजवादीका अध्यक्ष माधव कुमार नेपालले वर्तमान सरकारलाई १५ बुँदे सुझाव दिएका छन् । व्यवस्थापिका संसद्मा सम्बोधन गर्दै अध्यक्ष नेपालले प्रधानमन्त्री पुष्पकमल दाहाल प्रचण्डलाई राष्ट्रिय स्वाभिमान, सन्तुलन परराष्ट्रनीति, संविधानको रक्षा र परिपालन,  भ्रष्टाचारमुक्त समाज, भ्रष्टाचारीलाई राजनीतिक संरक्षण नगर्ने  प्रतिबद्धता लगायतका १५ बुँदे सुझाव दिएका हुन् ।

यी सुझावका आधारमा नेकपा एकीकृत समाजवादीले सरकारलाई विश्वासको मत दिएको छ । सरकारलाई विश्वासको मत दिएपनि रचनात्मक प्रतिपक्षमा बस्ने निर्णय गरेको छ । 

यी हुन् अध्यक्ष नेपालले दिएका सुझावहरू:-

Advertisement

१ राष्ट्रियता र राष्ट्रिय स्वाभिमानलाई सर्वोपरि ध्यान दिनुपर्ने । 

२ सन्तुलन परराष्ट्रनीतिः नेपाल कसैको खेल मैदान नबनोस् भन्नेमा चनाखो हुनुपर्ने 

३ संविधानको रक्षा, परिपालन र संघीयताको कार्यान्वयन । 

४ सुशासनको सुनियोजित्ता 

५ संकटग्रस्त अर्थतन्त्रबाट देशलाई उन्मुक्ति 

६ नेपाली नमुनाको समाजवाद 

७ बेरोजगारी समस्या सामधानः देशभरका युवालाई सीप मूलक तालिम 

८ जनजिविकाको समस्याः महँगी, कालोबजारी नियन्त्रण

९ सुसंस्कृत समाजको निर्माण 

१० सबैखाले भाषा, संस्कृति र धर्मको सम्मान 

११ भौतिक संरचनाको विकास 

१२ वातावरण संरक्षणः विशेषगरी चुरे र जलाधार क्षेत्रको संरक्षण 

१३ वैज्ञानिक शिक्षा र स्वास्थ्य प्रणालीमा सुधार

१४ कार्यशैलीमा परिवर्तन 

१५ समावेशीताको सुनिश्चिता