May 24, 2024, Friday
२०८१ जेष्ठ ११
1:37:26 pm

ललिता निवास प्रकण: सीआईबीले बुझायो रायसहितको अनुसन्धान प्रतिवेदन

1.6K

काठमाडौं । ललिता निवास प्रकणमा प्रहरीको केन्द्रीय अनुसन्धान ब्युरो(सीआईबी)ले रायसहितको अनुसन्धान प्रतिवेदन बुझाएको छ । सीआईबीले बालुवाटारस्थित ललिता निवास परिसरको सरकारी जग्गा हिनामिना प्रकरणमा मंगलबार जिल्ला सरकारी वकिलको कार्यालयलाई बुझाएको हो ।

सीआइबीले जग्गा हिनामिना प्रकरणमा पूर्वउपप्रधानमन्त्री एवं कांग्रेस नेता विजयकुमार गच्छदार, पूर्वसचिवहरू दीप बस्न्यात, छविराज पन्त, दिनेशहरि अधिकारी, नारायणगोपाल मलेगो, युवराज भुसालसहित साढे २ सय जनालाई प्रतिवादी बनाएर मुद्दा चलाउन राय दिएको छ । सहसचिव, उपसचिव शाखा अधिकृत, सुब्बा र खरिदारसम्मका व्यक्तिलाई प्रतिवादी बनाउन राय दिइएको छ ।

जिल्ला सरकारी वकिल कार्यालयका न्यायाधिवक्ता महेशप्रसाद खत्रीले आगामी शुक्रबारसम्ममा प्रतिवदेन अध्ययन गरी मुद्दा लैजाने जानकारी दिए ।

Advertisement