May 22, 2024, Wednesday
२०८१ जेष्ठ १०
1:37:26 pm

स्पेनलाई हराउँदै जापान नकआउट चरणमा

1.1K

काठमाडौं । जापान कतारमा जारी फिफा विश्वकप फुटबलको नकआउट चरणमा प्रवेश गरेको छ ।

खालिफा अन्तराष्ट्रिय स्टेडियममा बिहीबार राति स्पेनलाई २-१ गोल अन्तरले हराउँदै जापानले राउण्ड अफ १६ मा स्थान बनाएको हो ।

जापानको जितमा रित्सु डोन र एओ टानकाले एक एक गोल गरे ।

Advertisement

स्पेनका अल्भारो मोराटाले एक गोल फर्काए ।

खेलमा सुरुआती अग्रता भने स्पेनले बनाएको थियो ।

खेलको ११ औं मिनेटमा मोराटाले गोल गर्दै स्पेनलाई सुरुआती अग्रता दिलाएका थिए ।

तर, दोस्रो हाफमा जापानले उत्कृष्ट पुनरागमन गर्यो ।

खेलको ४८ औं मिनेटमा रित्सुले गोल गर्दै जापानलाई १-१ को बराबरीमा ल्याए ।

त्यसपछि खेलको ५१ औं मिनेटमा टानकाले गोल गर्दै जापानलाई २-१ को जित दिलाए ।

जितसँगै जापान समूह ‘ई’ को समूह विजेता बन्दै नकआउट चरणमा पुगेको हो ।

जापानले ३ खेलमा ६ अंक जोड्यो ।

पराजित स्पेनले ३ खेलमा ४ अंक जोड्यो ।

स्पेन पनि समूह उपविजेता बन्दै नकआउट चरणमा प्रवेश गरेको छ ।