नेपालमामिला संवाददाताAdvertisement
November 14, 2025, Friday
२०८२ कार्तिक २८
1:37:26 pm
२०७९ आश्विन ३
काठमाडौं : राजधानीको दशरथ रंगशालामा भएको महिला साफ च्याम्पियनसिपमा नेपाल पाँचौं पटक पनि उप-विजेतामै सीमित भएको छ।
आज भएको फाइनलमा नेपाललाई ३-१ गोलले पराजित गरी बंगलादेश पहिलो पटक साफ च्याम्पियन बनेको छ।
यसअघिका ४ वटा साफ सन् २०१०‚ २०१२‚ २०१४ र २०१९ मा नेपाल लगातार फाइनलमा भारतसँग पराजित हुँदै उप-विजेतामा नै सीमित हुँदै आएको थियो। यसपटक नेपालले बंगलादेशसँग खेलेको फाइनलमा पनि नेपालले उप-विजेतामै चित्त बुझाउनु पर्यो।
बंगलादेशले खेलको पहिलो हाफमा २ गोलले अग्रता लिएको थियो। उसका लागि श्रीमती सरकारले २ गोल र साम सुनाहरले १ गोल गरे।
नेपालले भने सान्त्वना गोल फर्काउन दोस्रो हाफ कुर्नु परेको थियो। नेपालका लागि भने अनिता बस्नेतले १ गोल गरिन्।
