March 4, 2024, Monday
२०८० फाल्गुन २२
1:37:26 pm

दोस्रो अभ्यास खेलमा पनि नेपाल विजयी

२०७८ फाल्गुन २४

1.3K

काठमाडौं । श्रीलंका नेभीविरुद्धको दोस्रो अभ्यास खेलमा नेपाल विजयी भएको छ । मंगलबार भएको खेलमा श्रीलंका नेभीलाई ८२ रनले पराजित गर्दै नेपालले दोस्रो जित हात पारेको हो । नेपालले दिएको १ सय ९७ रनको लक्ष्य पछ्याएको श्रीलंका नेभी ३० ओभर ५ बलमा मात्र १ सय १५ रन बनाउँदा अल आउट भयो ।

श्रीलंकाका लागि के नुवान्थाले सर्वाधिक ३४ रन जोड्दा डी गुरुसिंघाले २४ रन बनाए । नेपालका पवन सर्राफले ४ विकेट लिए । यस्तै दिपेन्द्र सिंह ऐरीले २ तथा बिक्रम सोब, सन्दीप लामिछाने र कुशल भुर्तेलले समान १/१ विकेट लिए ।

यसअघि टस हारेर पहिले ब्यतीङ गरेको नेपालले ४३ ओभर ४ बलमा अल आउट हुँदै १ सय ९६ रन बनायो । नेपालका दिपेन्द्र सिंह ऐरीले अर्धशतकीय इनिङ खेले । ऐरीले सर्वाधिक ६५ रन जोडे ।

Advertisement

यस्तै भिम शार्कीले ३०, विवेक यादबले २६, पवन सर्राफले २२ तथा कप्तान सन्दीप लामिछानेले अविजित १४ रनको योगदान गरे । अन्य खेलाडीले दोहोरो अंक छुन सकेनन् । ज्ञानन्द्र मल्ल १, कुशल भुर्तेल ३, रोहित कुमार पौडेल ८, बिनोद भण्डारी २, बिक्रम शोबले १ र सागर ढकाल ८ रनमा आउट भए ।

श्रीलंकाका एस डक्सिनाले ३ विकेट लिए । यसअघि, सोमबार भएको खेलमा नेपालले श्रीलंका नेभीलाई १ सय ११ रनले पराजित गरेको थियो । आईसीसी पुरुष विश्वकप क्रिकेट लिग दुई अन्तर्गत सिरिजको तयारीमा रहेको नेपाल हाल श्रीलंका भ्रमणमा रहेको छ ।

श्रीलंकामा नेपालले श्रीलंकाको प्रथम श्रेणीको क्लबसँग ४ अभ्यास खेल खेल्ने छ । श्रीलंकामा अभ्यास खेल सकिएपछि नेपाली टोली श्रीलंकाबाटै मार्च १४ मा युएई प्रस्थान गर्ने छन् ।

नेपालले लिग दुई अन्तर्गतको आफ्नो तेस्रो सिरिजमा युएई र पपुवा न्यू गिनी (पीएनजी) विरुद्ध खेल्नेछ ।