June 15, 2021, Tuesday
२०७८ असार १
1:37:26 pm

‘बेलायतीहरु पैसाकाे लागि भारतीयको जुत्ता चाट्छन्’: भारतका पूर्वखेलाडी

90

काठमाडाैं- भारतीय टिमका पूर्वविकेटकिपर फारुक इन्जिनियरले इंग्ल्याण्डका खेलाडीमाथि विवादास्पद अभिव्यक्ति दिएका छन्। 

दैनिक भास्करलाई दिएको अन्तर्वार्तामा इन्डियन प्रिमियर लिग (आईपीएल) शुरु भएपछि बेलायतीहरु अचानक भारतीयको जुत्ता चाट्न आउन थालेको बताएका हुन्।

‘आईपीएल सुरु भएपछि भारत अचानक बेलायतीहरूका लागि राम्रो भयो। हालका क्रिकेटरहरू आईपीएल खेल्न उत्सुक छन्। पूर्वक्रिकेटरहरूले पनि भारतको प्रशंसा गरिरहेछन्। उनीहरूको लागि अहिले भारतमा हरेक वर्ष केही महिना काम गर्ने र टिभी कार्यक्रमहरू गर्ने ठाउँ बनेकाे छ। काम पाउँदा ब्रिटिशहरुलाई ज्यादै खुशी छन्। तिनीहरू अब पैसाको लागि हाम्रो जुत्ता चाट्छन्,’ उनले भने।

उनले भारतीय क्रिकेट खेलाडीहरुलाई काउन्टी क्रिकेटमा समेत भेदभाव गरिएको आरोप लगाएका छन्। ‘पहिला धेरै भेदभाव थियो। आईपीएलको सफलतापछि ब्रिटिशले नरम भएका छन्। कुनै समय हामी भारतीयहरूलाई ‘ब्लडी इन्डियन’ भन्थे। अब अहिले उनीहरुले हाम्रो जुत्ता चाटिरहेका छन्,’ उनले भनेका छन्। 

यता, फरक प्रशंगमा उनले तीव्र गतिका बलर ओली रोबिन्सन अन्तर्राष्ट्रिय क्रिकेटमा निलम्बन गर्ने इंग्ल्यान्ड क्रिकेट बोर्ड (ईसीबी)को निर्णयलाई स्वागत गरे। सन् २०१२ र २०१३ मा गरेको अश्लिल र जातीवादी ट्‌विट ट्‌विटका कारण निलम्बनमा परेका थिए।

‘बेलायती प्रधानमन्त्री बोरिस जोनसनले त्यस्तो मामिलामा उफ्रनु गलत हो। ईसीबीले रोबिन्सनलाई प्रतिबन्ध गरेर एक राम्रो कदम उठाएको छ। गल्ती गरे सजाय हुनैपर्छ। यसले सबैलाई सन्देश पठाउँनेछ कि गल्ती गरे माफी दिइनेछन्,’ उनले भने। जोनसनले रोबिन्सनमा लगाइएको प्रतिबन्ध अत्यन्त कठोर सजाय भएको बताएका थिए।  

इन्जिनियर पूर्वभारतीय पारसी क्रिकेटर हुन्। आफ्नो टेस्ट क्यारियरमा भारतीय क्रिकेट टीमका लागि कुल ४६ खेल खेलेका थिए। इन्जिनियरले मुम्बई क्रिकेट टीमको लागि प्रथम श्रेणी क्रिकेट खेल्थे।

उनले आफ्नो टेस्ट करिअर १ डिसेम्बर १९६१ मा इंग्ल्याण्डविरुद्धको खेलमा गरेका थिए। यस्तै, अन्तिम टेस्ट २३ जनावरी १९७५ मा वेस्टइन्डिजविरुद्ध खेलेका थिए।  उनले वानडे १३ जुलाई १९७४ मा इंग्ल्याण्डविरुद्ध गरेका थिए।यस्तै अन्तिम वानडे १४ जून १९७५ न्युजिल्याण्डविरुद्ध खेलेका थिए।