सामाजिक सांस्कृतिक अध्ययन मञ्चको अध्यक्षमा धुकुछु  

काठमाडौं । सामाजिक सांस्कृतिक अध्ययन मञ्चको अध्यक्षमा न्हुच्छे बहाुदर धुकुछु निर्वाचित भएका छन् ।नेकपा एकीकृत समाजवादी अन्तर्गतको राष्ट्रिय जनसांस्कृतिक महासंघ समाजवादीको जन संगठन सामाजिक सांस्कृतिक अध्ययन मञ्चको शनिबार काठमाडौंमा भएको  भेलाले धुकुछुको अध्यक्षतामा १५ सदस्यीय कार्य समिति गठन भएको हो । 

मञ्चको महासचिवमा महेन्द्र भट्टराई, कोषाध्यक्ष इश्वरी नेपाल रहेका छन् । समितिका सदस्यहरूमा बालचन्द्र मिश्र, लेखनाथ सिकारू, शम्भु पोखरेल, सित्तल गिरी, कमलराज कंडेल, केशव कोईराला, डा. शंकर खतिवडा, सुुवर्ण घिमिरे ,डा. प्रदिपकुमार मैनाली, अमिता कुंवर  सरोजदिलु विश्वकर्मा र विक्रम भट्टराई रहेका छन्। 

कार्यक्रमका प्रमुख अतिथि नेकपा एकीकृत समाजवादीका स्थायी कमिटी सदस्य तथा मोर्चा फाँटका उपप्रमुख भविसोर पराजुली विशिष्ट अतिथि पार्टीका केन्द्रीय सदस्य तथा जनसांस्कृतिक महासंघका इञ्चार्ज उदय श्रेष्ठ, राष्ट्रिय जनसांस्कृतिक महासंघका संयोजक कृपाराम शर्मा सचिव ॠषि अधिकारी लगायत नेताहरुले शुभकामना मन्तव्य राखेका थिए । 

Advertisement

सोही कार्यक्रममा  नेपाली समाजको विकास क्रममा खस आर्यको मस्टो परम्परा विषयक विचार गोष्ठी समेत सम्पन्न भएको थियो । सामाजिक सांस्कृतिक अध्ययन मञ्चका सदस्य शित्तल गिरीले गोष्ठीमा आफ्नो कार्यपत्र प्रस्तुत गरेका थिए। मञ्चका सचिवालय सदस्य धुकुछुले स्वागत गरेको कार्यक्रमको अध्यक्षता मञ्चका संयोजक डा मिश्रले गरेका थिए भने संचालन मञ्चका सचिव सिकारूले गरेका थिए ।