February 5, 2023, Sunday
२०७९ माघ २३
1:37:26 pm

दुबईमा ‘कविता समारोह-२०२३’ भव्य रुपमा सम्पन्न

800

काठमाडौं । दुबईमा ‘कविता समारोह-२०२३’ भव्य रुपमा सम्पन्न भएको छ । आइतबार कन्ट्री रोला नशा दोहोरी रेस्टुरेन्टमा सम्पन्न उक्त समारोहका प्रमुख आकर्षण कवि प्रज्वल अधिकारी रहेका थिए ।

सगरमाथा साहित्य प्रतिष्ठान युएईको आयोजना तथा सिर्जना वाचन डबली युएई र इन्स युएईको सहआयोजनमा सप्पन्न उक्त समारोहमा सहभागी हुन नेपालबाट युएई पुगेका अधिकारीले
दुई चरणमा आफ्ना दशवटा कविता वाचन गरेका थिए। समारोहमा युएईमा कार्यरत २ दर्जन भन्दा बढी सर्जकहरुले पनि आफ्नो सिर्जना सुनाएका थिए ।

कविता वाचन गर्दै कवि प्रज्वल अधिकारी

संस्थाकी उपाध्यक्ष सरु शितल राईको सभापतित्व तथा पत्रकार महासंघ युएईका अध्यक्ष मेघराज सापकोटाको प्रमुख आतिथ्यतामा सम्पन्न उक्त कार्यक्रममा पारिवारिक भ्रमणको क्रममा युएई पुगेका छायाँदेवि पराजुली र चेतनाथ पराजुली विशिष्ट अतिथिको रूपमा उपस्थित थिए । कार्यक्रमको संचालन राज यात्री लम्साल र भवानी नेपालले गरेका थिए ।

Advertisement

कार्यक्रममा सस्थाका सस्थापक अध्यक्ष विवेक दुलाल क्षेत्री दमक, सस्थाका भाषा प्रमुख जिरन थुलुङ्ग, युवा व्यावसायी तथा सर्जक जे सागर , कवि प्रज्वल अधिकारी आदिलाई प्रमुख अतिथिसहितलाई आयोजकले दोसल्ला ओढाएर “सगरमाथा साधना सम्मान-२०२२’ बितरण गरेको थियो भने इजरायलमा कार्यरत सुनिता राईको नवीन कृति ‘तिउरी’ र वसन्तराज अज्ञातको ‘साँझको जून’को लोकार्पण गरिएको थियो ।

पुस्तक विमोचन गर्दै अतिथिहरू