September 21, 2021, Tuesday
२०७८ आश्विन ६
1:37:26 pm

अवैध बसेका श्रमिकलाई वैधानिक बन्न कुवेत सरकारले मार्च २ सम्म म्याद थप

780

 कुवेतको आवासीय कानून उल्लंघन गरेका नेपालीसहित विदेशी नागरिकलाई वैधानिकता कायम गर्न कुवेत सरकारले  मार्च २ सम्म म्याद थप गरेको छ ।

कुवेतको आवासीय कानुन उल्लंघन गरेका विदेशी नागरिकलाई कानूनी अनुसन्धानबिना तोकिएको जरिवाना तिरेर स्वदेश फर्कन वा आफ्नो कानुनी वैधता कायम गर्न पाउने अवधि एक महिना थप गरेको हो । नयाँ कोरोना भाइरस फैलिएसँगै देखापरेको अहिलेको असाधारण अवस्थालाई मध्यनजर गर्दै एक महिनाको अवधि थप गरिएको आन्तरिक मामिला मन्त्रालयलाई उदृत गर्दै दूतावासले जनाएको छ ।

Advertisement

कानूनी वैधता कायम गर्न वा कुवेत छोडी स्वदेश फिर्ता हुन यसअघि ३१ जनवरी २०२१ सम्म समयावधि तोकिएकोमा अब फेब्रुअरी १ अर्थात भोलिदेखि शुरू हुने गरी मार्च २ सम्मका लागि थप गरिएको जनाएको छ ।

थप गरिएको अवधिभित्र समेत आवासीय कानुन उल्लंघन गर्ने नेपाली लगायत विदेशी नागरिकहरूले आफ्नो कानूनी वैधता कायम गरेको नपाइएमा उनीहरुलाई कुवेत सरकारको कानून बमोजिम जरिवाना गर्ने, निजहरूले आवासीय भिसा प्राप्त गर्न नसक्ने र कुवेतमा पुनः फर्कन नसक्ने गरी डिपोर्ट गरिने मन्त्रालयले जनाएको छ ।