January 24, 2022, Monday
२०७८ माघ १०
1:37:26 pm

अध्यक्ष माधव नेपाल सहित बरिष्ठ नेताहरु प्रवासी नेपालीहरुसंग आईतबार जूम मार्फत अन्तरक्रिया गर्दै

2.3K

लन्डन। प्रधानमन्त्री केपी ओलीले हठात संसद विघटन गरे पछि त्यसको विरुद्धमा रहेकाहरु प्रवासमा पनि संगठित हुँदैछन् । नेकपा प्रचण्ड-माधव पक्षले प्रवासलाई लक्षित गरी जनवरी, ३ आइतबार नेपाली समय साॅझ ५ बजे अध्यक्ष माधवकुमार नेपालको प्रमुख आतिथ्यमा छलफल कार्यक्रम गर्ने भएको छ।

भर्चुअल प्रविधि मार्फत हुने छलफल कार्यक्रममा प्रवासमा रहेका अगुवा कार्यकर्ताको सहभागिता रहने र स्थायी कमिटी सदस्यद्वय भीम रावल र बर्षमान पुनको समेत उपस्थिति रहने प्रवास समन्वय कमिटीले जनाएको छ।

नेकपाको प्रवासमा क्रियाशिल संगठन प्रवासी नेपाली एकता मञ्चका अधिकांश देशका अध्यक्ष र सचिव प्रचण्ड-माधव पक्षमा देखिएका छन् भने पार्टी समन्वय कमिटीका अध्यक्ष युवराज चौंलागाई र सचिव श्रीप्रसाद शाह पनि यतै छन्।

Advertisement

पार्टी समन्वय कमिटीले अंग्रेजी नयाँ बर्ष २०२१ को अवसरमा पार्टी स्थायी सदस्य योगेश भट्टराईको प्रमुख आतिथ्यमा शुभकामना आदानप्रदान कार्यक्रम भव्य रुपमा सम्पन्न गरेको छ।