भौतिक मन्त्री ज्वालाद्वारा नेपाल इन्जिनियरिङ परिषदको भवन उद्घाटन

काठमाडौं । भौतिक पूर्वाधार तथा यातायात मन्त्री प्रकाश ज्वालाले नेपाल इन्जिनियरिङ् परिषदको नवनिर्मित भवन उद्घाटन गरेका छन् छ। नेपाल इन्जिनियरिङ्ग परिषदको ५० प्रतिशत र नेपाल सरकारको ५० प्रतिशत लगानीमा २० आना जग्गामा सो भवन निर्माण भएको हो।

काठमाडौंको मिनभवनमा करिव ११ करोड लगानीमा सो अत्याधुनिक भवन निर्माण गरिएको  हो। सो भवन निर्माणका लागि नेपाल इन्जिनियरिङ्ग परिषदले  ५० प्रतिशत  र नेपाल सरकारको ५० प्रतिशत बजेट लगानी गरेका हुन्।

सो भवन उद्घाटन कार्यक्रममा मन्त्री ज्वालाले समृद्ध नेपाल निर्माण अभियानमा इन्जिनियरहरुको विशेष भूमिका रहने बताउँदै सबै प्राविधिक इन्जिनियरहरुलाई जिम्मेवारीपूर्वक आफ्नो काममा लाग्न आग्रह समेत गरे। साथै उनले दक्ष जनशक्ति विदेश पलायन भैरहेकोले आफूले यसलाई रोक्ने काम गरिरहेको  बताए।

Advertisement

सो कार्यक्रममा भौतिक पूर्वाधार तथा यातायात राज्यमन्त्री नन्दा चपाई तथा मन्त्रालयका सचिव केशव कुमार शर्माले आफ्नो भनाई राखेका थिए।