नेपालमामिला संवाददाताAdvertisement
September 26, 2023, Tuesday
२०८० आश्विन १०
1:37:26 pm
२०८० असार २१
काठमाडौँ । नेपाल कम्युनिष्ट पार्टी (एकीकृत समाजवादी) का अध्यक्ष तथा पूर्वप्रधानमन्त्री माधव कुमार नेपाल श्रीलंकाबाट स्वदेश फर्किएका छन् । उनी बिहिबार नेपाल आइपुुगेका हुन् ।
अध्यक्ष नेपाल श्रीलंकन कम्युनिष्ट पार्टीको ८० औँ स्थापना दिवसको कार्यक्रममा सहभागी हुन तथा दक्षिण एसियाका कम्युनिष्ट पार्टीहरुको बैठकमा सहभागी हुन सोमबार श्रीलंका पुगेका थिए ।
अध्यक्ष नेपाललाई एयरपोर्टमा स्वागत गर्न पार्टीका कार्यवाहक अध्यक्ष राजेन्द्र पाण्डेसहित पार्टीका नेता कार्यकर्ताहरु सहभागी भएका थिए । उपाध्यक्ष प्रमेश हमाल, उपमहासचिव डा.गंगालाल तुलाधर पार्टीका पोलिटव्युरो सदस्यहरु कल्याणी खड्का रामकुमार भट्टराई वलदेव चौधरी गणेश वि.क. केन्द्रीय सदस्यहरु सत्यनारायण यादव अशेष घिमिरे लगायत नेताहरुको उपस्थिति रहेको थियो ।
नेपालले बुधबार त्यहाँका राष्ट्रपति र प्रधानमन्त्रीसँग भेट गरेका थिए । श्रीलंकाका राष्ट्रपति रणिल विक्रमसिंघेसँग भएको शिष्टाचार भेटवार्तामा दुई देशबारे छलफल भएको बताइएको छ । राष्ट्रपति निवासमा अध्यक्ष नेपालले ४५ मिनेट कुराकानी गरेका थिए ।
अध्यक्ष नेपालले श्रीलंकाका प्रधानमन्त्री दिनेश गुणवद्र्धनेसँग पनि बुधबार साँझ भेटवार्ता गरेका थिए । प्रधानमन्त्री निवासमा करिब १ घण्टा पाँच मिनेट लामो शिष्टाचार भेटमा दुई देशको भाइचारा सम्बन्ध, एसियाका मुलुकहरुमा विकसित घटनाक्रमबारे वार्ता भएको अध्यक्ष नेपालको सचिवालयले जनाएको छ ।
शिष्टाचार भेटमा नेपाल र श्रीलंकाबीच पुरानो मित्रता रहेको बताउँदै दुवै देशले एकअर्कालाई आवश्यक सरसहयोग गर्न सकिने विषयमा पनि छलफल भएको बताइएको छ ।
