May 21, 2024, Tuesday
२०८१ जेष्ठ ८
1:37:26 pm

विप्लब नेतृत्वको नेकपाले सरकारमाथि दबाब, गृहमन्त्रीसँग भेटघाट

1.9K

काठमाडौं । नेत्र विक्रम चन्द विप्लव नेतृत्वको नेपाल कम्युनिष्ट पार्टी (नेकपा)ले आफ्ना पार्टीका नेता, कार्यकर्तामाथि लगाइएको मुद्दा खारेज गरी तत्काल जेलबाट रिहाई गर्न सरकारलाई दवाव दिएको छ ।

गृहमन्त्री बालकृष्ण खाँणसँग मंगलबार भेटगरी नेकपाका प्रवक्ता खड्गबहादुर विश्वकर्माले आफ्ना नेता कार्यकर्ता रिहा गर्न माग गरेका हुन् । मुलुक नयाँ सरकार गठनको चरणमा प्रवेश गरिरहेका बेला नेकपाले भने यही सरकारले आफूहरुको माग सम्बोधन गर्नुपर्ने बताउँदै आएको छ ।

सरकारले कानुनी जटिलता पनि हल गरेर नेकपाका नेता, कार्यकर्तामाथि लगाइएको मुद्दा खारेज गर्ने र जेलबाट रिहाई गर्ने निर्णय मन्त्रिपरिषदले गरिसकेकाले त्यसलाई छिटो कार्यान्वयन गर्न सरकारलाई दवाव दिइएको नेकपाका प्रवक्ता प्रकाण्डले बताए ।यता, गृहमन्त्री खाँणले पनि सो समस्या समाधान गर्न सरकार इमान्दार र प्रतिबद्ध रहेको बताए ।

Advertisement

केपी ओली नेतृत्वको अघिल्लो सरकारसँग तीन बूँदे सहमति गर्दै नेकपा शान्ति प्रक्रियामा आएको थियो । तर सो सहमति अझै कार्यान्वयनमा नआएको भन्दै सो पार्टीले असन्तुष्टि जनाउँदै आएको छ ।