January 20, 2022, Thursday
२०७८ माघ ६
1:37:26 pm

वायुसेवा निगमभित्रका समस्या समाधान गर्नु मन्त्री ढकालको प्रमुख एजेण्डा

1.1K

काठमाडौं–नवनियुक्त संस्कृति, पर्यटन तथा नागरिक उड्डयनमन्त्री भानुभक्त ढकालले नेपाल वायुसेवा निगमभित्रका समस्या समाधान गर्नु आफ्नो कार्यकालको सबैभन्दा महत्वपूर्ण एजेण्डा रहने बताएका छन्। मंगलबार निगमको स्थलगत निरीक्षण गरेपछि मन्त्री ढकालले आफूले निगमभित्रको प्रदूषणलाई इमानदारीपूर्वक शुद्धीकरण गर्नेसमेत धारणा राखेका छन्।

निगमका उच्चपदस्थ कर्मचारीसँगको अन्तर्क्रिया कार्यक्रममा बोल्दै मन्त्री ढकालले निगमलाई समयसापेक्ष सुधार र परिवर्तनद्वारा उपलब्धिमूलक बनाउनु आवश्यक रहेकोसमेत बताए। ‘निगमको विकासमा कुनै प्रदुषण छ भने इमान्दारीपूर्वक शुद्धीकरण गर्दै जानुपर्छ, लक्ष्य ठूलो राखेर मात्र हुँदैन उपलब्धितर्फ पनि विशेष ध्यान दिनुपर्‍यो,’ उनले भने।

मन्त्री ढकालले निगमको उन्नतिमा आफ्नो तर्फबाट हरसम्भव सहयोग हुने र राजनैतिक हस्तक्षेप नहुनेसमेत विश्वास निगम नेतृत्वलाई दिलाएका छन्। ‘निगमका समस्या समाधान गर्न सहज छैन। तर हामी सबैले प्रतिबद्धताका साथ योगदान गरेमा असम्भव भन्ने केही छैन,’ ढकालले भने।  

Advertisement